വിങ്‌സ്യൂട്ട് ജമ്പിംഗിനിടെ 24 കാരന് ദാരുണാന്ത്യം. സ്വിസ് ആൽപ്‌സിൽ വെച്ച് നടന്ന വിങ്‌സ്യൂട്ട് ജമ്പിംഗിനിടെയാണ് സ്കോട്ട്‌ലൻഡിൽ നിന്നുള്ള ലിയാം ബൈൺ (Liam Byrne) മരണം സംഭവിച്ചത് . സ്കൈഡൈവിംഗ് ലോകത്ത് ബ്രിട്ടനിൽ നിന്നുള്ള ചാമ്പ്യൻ കൂടിയായിരുന്ന ലിയാം.
വിങ്‌ജമ്പിംഗിൽ നൂറിലധികം മത്സരങ്ങളിൽ പങ്കെടുത്ത പരിചയസമ്പന്നനായ ഒരു ഫ്ലയറായിരുന്നു ലിയാം. ഗിറ്റ്‌ഷെൻ പർവ്വതത്തിൽ നിന്ന് 2400 മീറ്റർ (7874 അടി) ഉയരത്തിൽ നിന്ന് ചാടിയതിന് ശേഷമാണ് അപകടം സംഭവിച്ചത്. ടേക്ക് ഓഫ് ചെയ്തതിന് തൊട്ടുപിന്നാലെ നിയന്ത്രണം വിട്ട് ഏകദേശം 2100 മീറ്റർ ഉയരത്തിലുള്ള ഒരു പാറക്കെട്ടിലേക്ക് ഇടിച്ചുകയറുകയായിരുന്നു ലിയാം. അപകടത്തിൽ ലിയാമിന് മാരകമായ പരിക്കുകൾ ഏറ്റ് മരണം സംഭവിക്കുകയായിരുന്നു.
സംഭവത്തിൽ സ്വിസ് പോലീസ് അന്വേഷണം ആരംഭിച്ചിട്ടുണ്ട്. ലിയാമിൻറെ മരണം മാതാപിതാക്കളായ മൈക്കും ഗില്ലിയനും സ്ഥിരീകരിച്ചു. “ലിയാം നിർഭയനായിരുന്നു, ഭയമില്ലാതിരുന്നതുകൊണ്ടല്ല, മറിച്ച് ഭയം തന്നെ പിന്നോട്ട് വലിക്കാൻ വിസമ്മതിച്ചതുകൊണ്ടാണ്. നമ്മളിൽ മിക്കവരും സ്വപ്നം കാണുന്ന രീതിയിൽ ലിയാം ജീവിതത്തെ പിന്തുടർന്നതി , അതിൽ ലിയാം വിജയിച്ചു. ലിയാമിന് സ്കൈഡൈവിംഗും ബേസ് ജമ്പിംഗും വെറുമൊരു ആവേശം മാത്രമല്ലായിരുന്നു – അത് സ്വാതന്ത്ര്യമായിരുന്നു. അവിടെയാണ് അയാൾക്ക് ജീവിതം “, മാതാപിതാക്കൾ പ്രതികരിച്ചു.സംഭവത്തിൽ ലിയാമിൻറെ ആരാധകരും ദു:ഖിതരാണ്. നിരവധി പേർ അനുശോചനവുമായി രംഗത്തെത്തി.
