കണ്ണൂർ : നിയമസഭാ തിരഞ്ഞെടുപ്പിനു മുന്നോടിയായി കണ്ണൂർ സിപിഎമ്മിനുള്ളിൽ പൊട്ടിത്തെറി. മുതിർന്ന സിപിഎം നേതാവും ഹാൻവീവ് ചെയർമാനുമായ ടി കെ ഗോവിന്ദൻ പാർട്ടി വിടുമെന്ന് സൂചന. തളിപ്പറമ്പിൽ പികെ ശ്യാമളയെ സ്ഥാനാർത്ഥിയാക്കിയതാണ് പാർട്ടിക്കുള്ളിൽ പൊട്ടിത്തെറിക്ക് കാരണമായിരിക്കുന്നത്. സിപിഎം കണ്ണൂർ ജില്ലാ സെക്രട്ടറിയേറ്റ് അംഗം കൂടിയായ ടി.കെ ഗോവിന്ദൻ പാർട്ടി വിട്ട ശേഷം തളിപ്പറമ്പിൽ പി കെ ശ്യാമളക്കെതിരെ മത്സരിച്ചേക്കും.
പി കെ ശ്യാമളയെ തളിപ്പറമ്പിൽ സ്ഥാനാർത്ഥിയാക്കുന്നതിനെതിരെ മണ്ഡലം കമ്മിറ്റിയിൽ ഉൾപ്പെടെ ഗോവിന്ദൻ വിമർശനം ഉന്നയിച്ചിരുന്നു. സ്ഥാനാർഥി പ്രഖ്യാപനം ഉടൻ ഉണ്ടാകുമെന്നാണ് സൂചന. സ്വതന്ത്രനായി മത്സരിക്കാനാണ് ടി കെ ഗോവിന്ദൻ തയ്യാറെടുക്കുന്നത്. പി ജയരാജൻ ചുമതല വഹിക്കുന്ന തളിപ്പറമ്പ് മണ്ഡലം കമ്മിറ്റിയിൽ നിന്നും ശക്തമായ വിമർശനമാണ് പി കെ ശ്യാമളക്കെതിരെ ഉയരുന്നത്.
