ലഖ്‌നൗ: കൂട്ടമാനഭംഗ കേസില്‍ പ്രതിയായ യു.പി മുന്‍ മന്ത്രിയും സമാജ്‌വാദി പാര്‍ട്ടി നേതാവുമായ ഗായത്രി പ്രജാപതി ലഖ്‌നൗവില്‍ അറസ്റ്റില്‍. ഗായത്രി പ്രജാപതിക്ക് പുറമേ മറ്റ് ആറ് പേര്‍ കൂടി കേസില്‍ പ്രതികളാണ്. ഇതില്‍ രണ്ട് പേരെ യമുന എക്‌സ്പ്രസ് ഹൈവേക്ക് സമീപത്ത് നിന്ന് മാര്‍ച്ച് 7ന് പൊലീസ് പിടികൂടിയിരുന്നു. കേസുമായി ബന്ധപ്പെട്ട് പ്രജാപതിയുടെ സുരക്ഷ ഉദ്യോഗസ്ഥരിലൊരാളെ മാര്‍ച്ച് ആറാം തിയതി പൊലീസ് അറസ്റ്റ് ചെയ്തിരുന്നു.
യുവതിയെ പീഡിപ്പിക്കുകയും അവരുടെ മകളെ ആക്രമിക്കുകയും ചെയ്തതിനാണ് പ്രജാപതിക്കും മറ്റ് ആറ് പേര്‍ക്കുമെതിരെ പൊലീസ് കേസെടുത്തത്. ഇക്കഴിഞ്ഞ ഉത്തര്‍പ്രദേശ് തെരഞ്ഞെടുപ്പിലും പ്രജാപതി മല്‍സരിച്ചിരുന്നു. എന്നാല്‍ ബി.ജെ.പി സ്ഥാനാര്‍ഥിയോട് പരാജയപ്പെടുകയായിരുന്നു.
Discussion about this post