ദീപാവലിയോടനുബന്ധിച്ച് ഡെഹ്രാഡൂണിലെ കേദാര്‍നാഥ് ക്ഷേത്രം സന്ദര്‍ശിക്കാന്‍ തയ്യാറെടുത്ത് പ്രധാനമന്ത്രി നരേന്ദ്ര മോദി. സന്ദര്‍ശനത്തിനോടനുബന്ധിച്ച് അദ്ദേഹം കേദാര്‍പുരിയുടെ പുനര്‍നിര്‍മ്മാണപ്രവര്‍ത്തനങ്ങളും മോദി വിലയിരുത്തുന്നതായിരിക്കും.
ബുധനാഴ്ച രാവിലെ 09:45ഓടെ അദ്ദേഹം കേദാര്‍നാഥില്‍ എത്തുന്നതായിരിക്കുമെന്ന് ചീഫ് സെക്രട്ടറി ഉത്പല്‍ കുമാര്‍ സിംഗ് വ്യക്തമാക്കി.
കഴിഞ്ഞ കൊല്ലം കേദാര്‍പുരി സന്ദര്‍ശിച്ചപ്പോളാണ് കേദാര്‍പുരിയുടെ പുനര്‍നിര്‍മ്മാണ പ്രവര്‍ത്തനങ്ങള്‍ക്ക് മോദി തറക്കല്ലിട്ടത്. പ്രവര്‍ത്തനങ്ങളുടെ ഭാഗമായി കേദാര്‍നാഥിന്റെ 400 മീറ്റര്‍ മുകളില്‍ ധ്യാനിക്കാന്‍ വേണ്ടിയുള്ള ഒരു ഗുഹയും നിര്‍മ്മിച്ചിട്ടുണ്ട്. എന്നാല്‍ ഗുഹയുടെ അകത്തേക്ക് കയറുമെന്ന് മോദി അറിയിച്ചിട്ടില്ല.
കേദാര്‍പുരിയുടെ പുനര്‍നിര്‍മ്മാണ പ്രവര്‍ത്തനങ്ങള്‍ മോദി ഇടയ്ക്കിടയ്ക്ക് വിലയിരുത്താറുണ്ട്.
Discussion about this post