കൊച്ചി: വ്യാജ വോട്ട് പരാതിയില്‍ പ്രതിപക്ഷ നേതാവ് രമേശ് ചെന്നിത്തല നല്‍കിയ ഹർജിയില്‍ തിരഞ്ഞെടുപ്പ് കമ്മീഷനോട് വിശദീകരണം തേടി ഹെെക്കോടതി.
സ്ഥിതി അതീവ ഗുരുതരമാണെന്ന് കോടതിയെ അറിയിച്ച ചെന്നിത്തല, 5 വോട്ടുകള്‍ വരെ ഒരാളുടെ ഫോട്ടോ ഉപയോഗിച്ച്‌ ഉണ്ടാക്കിയിട്ടുണ്ടെന്നും ഗുരുതര പ്രശ്നം അടിയന്തര പ്രാധാന്യത്തോടെ കേള്‍ക്കണമെന്നും ആവശ്യപ്പെടുകയായിരുന്നു. തുടര്‍ന്ന് ഹര്ജി പരിഗണിച്ച കോടതി തിരഞ്ഞെടുപ്പു കമ്മീഷനോട് വിശദീകരണം ആവശ്യപ്പെട്ടു. ഹര്ജി ഇനി തിങ്കളാഴ്ച പരിഗണിക്കും.
131 മണ്ഡലങ്ങളിലായി 4.34 ലക്ഷത്തിലധികം പേരെ വ്യാജമായി പട്ടികയില്‍ ചേര്‍ത്തതായി ചൂണ്ടിക്കാട്ടിയാണ് പൊതുതാത്പര്യ ഹര്ജി നല്‍കിയിട്ടുള്ളത്. രാഷ്ട്രീയ നേട്ടം ലക്ഷ്യമിട്ട് സര്‍ക്കാര്‍ ഉദ്യോഗസ്ഥരിലെ ഒരു വിഭാഗം സംഘടിതമായി നടത്തിയ നീക്കമാണിതെന്ന് ഹര്‍ജിയില്‍ പറയുന്നു.
Discussion about this post