ലഖ്നൗ:യുപിയില്‍ യോഗി ആദിത്യനാഥിന്റെ നേതൃത്വത്തില്‍ 44 അംഗ മന്ത്രിസഭ സത്യപ്രതിജ്ഞ ചെയ്ത് ചുമതലയേറ്റു. രണ്ട് ഉപമുഖ്യമന്ത്രിമാരും ആറ് വനിത മന്ത്രിമാരും സംഘത്തിലുണ്ട്.
ബി.ജെ.പി സംസ്ഥാന അധ്യക്ഷന്‍ കേശവ് പ്രസാദ് മൗര്യ, ലഖ്നൗ മേയര്‍ ദിനേശ് ശര്‍മ എന്നിവര്‍ ഉപമുഖ്യമന്ത്രിമാരായും സ്ഥാനമേറ്റു.22പേര് സഹമന്ത്രിമാരാണ്.
പ്രമുഖ വനിതാ നേതാവ് റീത്ത ബഹുഗുണ ജോഷിയും മന്ത്രിസഭാംഗമാണ്. ന്യൂനപക്ഷ മോര്‍ച്ച നേതാവ് മൊഹസീന്‍ രാജയും മന്ത്രിസഭയിലുണ്ട് .വിപുലമായ ഒരുക്കങ്ങളാണ് 15വര്‍ഷത്തിന് ശേഷം യുപിയില്‍ അധികാരത്തിലെത്തുന്ന ചരിത്രനിമിഷത്തിനായി തയ്യാറാക്കിയിരുനനത്.
പ്രധാനമന്ത്രി നരേന്ദ്രമോദി, ബിജെപി അധ്യക്ഷന്‍ അമിത് ഷാ, കേന്ദ്ര മന്ത്രിമാരായ നിതിന്‍ ഗഡ്കരി, ഉമ ഭാരതി, മഹാരാഷ്ട്ര മുഖ്യമന്ത്രി ദേവേന്ദ്ര ഫട്നാവിസ്, ഗോവ മുഖ്യമന്ത്രി മനോഹര്‍ പരീക്കര്‍, മധ്യപ്രദേശ് മുഖ്യമന്ത്രി ശിവരാജ് സിങ് ചൗഹാന്‍ തുടങ്ങിയവര്‍ ചടങ്ങില്‍ പങ്കെടുത്തു.
Discussion about this post