കൊല്ലം: ബി.ജെ.പിയെ തോല്‍പ്പിക്കാന്‍ കോണ്‍ഗ്രസുമായി സഹകരിക്കന്നതില്‍ തെറ്റില്ലെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍. തെരഞ്ഞെടുപ്പ് സഖ്യത്തില്‍ ഉദാര സമീപനമാണ് സി.പി.ഐയുടേത്.ഇടത് ഐക്യം മുന്‍നിര്‍ത്തി വിശാല പൊതുവേദി വേണമെന്നും കാനം സൂചിപ്പിച്ചു. അതേസമയം സഖ്യത്തിന്റെ കാര്യത്തില്‍ കോണ്‍ഗ്രസിന്റെ പേരെടുത്ത് പറയാതെയാണ് സി.പി.ഐ പാര്‍ട്ടി കോണ്‍ഗ്രസില്‍ പ്രമേയം അവതരിപ്പിച്ചത്.
ബി.ജെ.പിയെ തോല്‍പ്പിക്കാനായി വേണ്ടി വന്നാല്‍ കോണ്‍ഗ്രസിനെ തിരഞ്ഞെടുപ്പിന് മുമ്പും ശേഷവും പിന്തുണയ്ക്കുമെന്ന നിലപാടുമായി സി.പി.എം ജനറല്‍ സെക്രട്ടറി സീതാറാം യെച്ചൂരി ഇന്നലെ രംഗത്തെത്തിയിരുന്നു.
Discussion about this post