വാഷിംഗ്ടണ്‍: അമേരിക്കയിലെ ഹോബ്‌സ് മാസിക പുറത്തിറക്കിയ ഈ വര്‍ഷത്തെ ലോകത്തെ കരുത്തരായ സ്ത്രീകളുടെ പട്ടികയില്‍ ഇന്ത്യയില്‍ നിന്ന് നാലു പേര്‍ ഇടം പിടിച്ചു. എസ്ബിഐ മേധാവി അരുന്ധതി ഭട്ടാചാര്യ(30-ാം സ്ഥാനം), ഐസിഐസിഐ ബാങ്ക് മേധാവി ചന്ദ കൊച്ചാര്‍(36-ാം സ്ഥാനം), ബയോകോണ്‍ സ്ഥാപക കിരണ്‍ മസുംദാര്‍ ഷാ(85-ാം സ്ഥാനം), എച്ച്ടി മീഡിയ ചെയര്‍പേഴ്‌സണ്‍ ശോഭന ഭാര്‍ട്യ(93-ാം സ്ഥാനം) എന്നിവരാണ് ഇടം പിടിച്ചത്.
പട്ടികയില്‍ ജര്‍മന്‍ ചാന്‍സലര്‍ ആഞ്ജല മെര്‍ക്കലാണ് ഒന്നാം സ്ഥാനത്ത്. യുഎസ് പ്രസിഡന്റ് തെരഞ്ഞെടുപ്പിലെ ഡെമോക്രാറ്റിക് സ്ഥാനാര്‍ഥി ഹിലാരി ക്ലിന്റണ്‍ രണ്ടാം സ്ഥാനത്തും ബില്‍ ഗേറ്റ്‌സ് ഫൗണ്ടേഷന്‍ സഹസ്ഥാപക മെലിണ്ട ഗേറ്റ്‌സ് മൂന്നാം സ്ഥാനത്തും എത്തി.
ഫോബ്‌സിന്റെ പട്ടികയില്‍ രണ്ടു ഇന്ത്യന്‍ വംശജരും സ്ഥാനം പിടിച്ചിട്ടുണ്ട്.. ശീതളപാനീയ മേഖലയിലെ ഭീമന്‍ പെപ്‌സികോ അധ്യക്ഷ ഇന്ദ്ര നൂയി, സിസ്‌കോയിലെ ചീഫ് ടെക്‌നോളജി ഓഫീസര്‍ പദ്മശ്രീ വാരിയര്‍ എന്നിവര്‍ യഥാക്രമം 15ഉം 84 ഉം സ്ഥാനത്ത് ഇടം പിടിച്ചു.
Discussion about this post