ചെന്നൈ: ഐഎസ്ആര്‍ൊ ചാരക്കേസില്‍ ഐബി ഉദ്യോഗസ്ഥരും, പോലിസ് ഉദ്യോഗസ്ഥരും തന്നെ കസ്റ്റഡിയില്‍ വച്ച് പീഡിപ്പിച്ചുവെന്ന ആരോപണം വീണ്ടും ഉയരുന്നു. അന്ന് ഇന്റലിജന്‍സ് ബ്യൂറോ ജോയിന്റ് ഡയറക്ടറായിരുന്ന ആര്‍.ബി.ശ്രീകുമാര്‍ അതിക്രൂരമായി ശാരീരിക പീഡനം ഏല്‍പിച്ചെന്ന് കേസിലെ വിവാദനായിക മറിയം റഷീദ വെളിപ്പെടുത്തുന്നു.
കേസ് അന്വേഷിച്ച മുന്‍ എ.ഡി.ജി.പി സിബി മാത്യൂസ്, മുന്‍ പൊലീസ് ഉദ്യോഗസ്ഥന്‍ എസ്. വിജയന്‍ എന്നിവരും തന്നെ കസ്റ്റഡിയില്‍ പീഡിപ്പിച്ചതായി മറിയം റഷീദ് നേരത്തെ ആരോപിച്ചിരുന്നു.
ഒരു ഉദ്യോസ്ഥനും സംഘവും രണ്ട് പേരുടെ ചിത്രങ്ങള്‍ എന്നെ കാണിച്ച ശേഷം അവരെ അറിയുമോയെന്ന് ചോദിച്ചു. ഐ.എസ്.ആര്‍.ഒ മുന്‍ ശാസ്ത്രജ്ഞന്‍ നന്പി നാരായണന്റേയും അന്ന് ഐ.ജിയായിരുന്ന രമണ്‍ ശ്രീവാസ്തവയുടേയും ചിത്രങ്ങളുടേതായിരുന്നുഅത്. അറിയില്ലെന്ന് പറഞ്ഞപ്പോളഅ# ക്രൂരമായി മര്‍ദ്ദിച്ചു. ഒരാള്‍ സമീപത്തുണ്ടായിരുന്ന കസേരയെടുത്ത് എന്റെ കാലില്‍ അടിച്ചു. 23 വര്‍ഷങ്ങള്‍ക്ക് ശേഷം അതേ ഉദ്യോഗസ്ഥന്‍ ടെലിവിഷന്‍ ചാനലില്‍ ഇരുന്ന് ചാരക്കേസ് ചര്‍ച്ചയില്‍ പങ്കെടുക്കുന്നത് ഞാന്‍ കണ്ടു. അപ്പോഴാണ് എന്നെ മര്‍ദ്ദിച്ചത് ശ്രീകുമാറാണെന്ന് മനസിലായത്.
താന്‍ മറിയം റഷീദയെ ചോദ്യം ചെയ്തിരുന്നതായി ശ്രീകുമാര്‍ പറഞ്ഞു. എന്നാല്‍ മൂന്നാംമുറ ഉപയോഗിച്ചിരുന്നില്ല. തനിക്കെതിരായ ആരോപണത്തിന് പിന്നില്‍ ബി.ജെ.പിയാണ്. 2002ലെ ഗുജറാത്ത് കലാപക്കേസില്‍ പ്രധാനമന്ത്രി നരേന്ദ്ര മോദിക്കെതിരെ നീങ്ങിയതിന് പ്രതികാരം വീട്ടുകയാണ് അവര്‍. അതേസമ.ം താന്‍ പീഡിപ്പിച്ചുവെങ്കില്‍ എന്തു കൊണ്ട് അത് മറിയം റഷീദ കോടതിയില്‍ പറയാതിരുന്നതെന്നാണ് ശ്രീകുമാര്‍ ചോദിക്കുന്നത്. കോടതിയില്‍ ഹാജരാക്കിയ എന്നോട് ജഡ്ജി ഒന്നും ചോദിച്ചില്ലെന്നു മറിയം റഷീദ പറയുന്നു.
പല പല കോടതികളിലായി തന്നെ ഹാജരാക്കി. എന്താണ് സംഭവിക്കുന്നതെന്നും പോലും മനസിലായില്ല. എപ്പോഴും പൊലീസുകാര്‍ എനിക്ക് ചുറ്റുമുണ്ടായിരുന്നു. എന്റെ അഭിഭാഷകനോട് പോലും സംസാരിക്കാന്‍ അനുവദിച്ചില്ല – മറിയം റഷീദ പ്രതികരിച്ചു.
Discussion about this post