ശബരിമലയിലെ ആചാരലംഘനത്തിനെതിരെ രൂക്ഷ വിമര്‍ശനം ഉയര്‍ത്തി ബിഡിജെഎസ് ചെയര്‍മാനും എസ്എന്‍ഡിപി നേതാവുമായ തുഷാര്‍ വെള്ളാപ്പള്ളി. യുവതി പ്രവേശനത്തിനായി സര്‍ക്കാര്‍ ആവിഷ്‌ക്കരിച്ച തന്ത്രം തറവേലയാണെന്ന് അദ്ദേഹം പറഞ്ഞു.
ജനാധിപത്യത്തിന് യോജിച്ച പ്രവര്‍ത്തിയല്ല സംസ്ഥാന സര്‍ക്കാരിന്റേത്. ഭൂരിപക്ഷ സമുദായത്തിന്റെ വിശ്വാസത്തെ വെല്ലുവിളിക്കലാണ് ഇതെന്നും തുഷാര്‍ വെള്ളാപ്പള്ളി പറഞ്ഞു.നേരത്തെ വനിതാ മതിലിനെ പിന്തുണച്ച് എസ്എന്‍ഡിപി രംഗത്തെത്തിയത് വിവാദമായിരുന്നു. സര്‍ക്കാര്‍ പരിപാടിയായതിനാലാണ് പിന്തുണയെന്ന് തുഷാര്‍ പറഞ്ഞിരുന്നു. എന്നാല്‍ വനിതാ മതില്‍ കഴിഞ്ഞയുടന്‍ മതില്‍ ശബരിമല യുവതി പ്രവേശനത്തിന് കൂടിയുള്ളതാണെന്ന് സിപിഎം നേതാക്കളും മന്ത്രിമാരും പറഞ്ഞത് എസ്എന്‍ഡിപിയെ വെട്ടിലാക്കിയിരുന്നു.
Discussion about this post