കണ്ണൂര്‍: ഭീകരസംഘടനയായ ഇസ്ലാമിക് സ്‌റ്റേറ്റില്‍(ഐഎസ്) ചേരാന്‍ കുടുംബത്തോടൊപ്പം സിറിയയിലേക്ക് പോയ യുവാവ്‌കൊല്ലപ്പെട്ടതായി വിവരം. കണ്ണൂര്‍ അഴീക്കോട് പൂതപ്പാറ തൊലിച്ചി ഹൗസില്‍ മജീദിന്റെ മകന്‍ എ.അന്‍വറാണ് കൊല്ലപ്പെട്ടത്. പൊലീസിനാണ് ഇത് സംബന്ധിച്ച വിവരം ലഭിച്ചത്. പോപ്പുലര്‍ ഫ്രണ്ട് പ്രവര്‍ത്തകനായിരുന്നു അന്‍വര്‍.
മരണം ഔദ്യോഗികമായി സ്ഥിരീകരിച്ചിട്ടില്ല. അന്‍വറിന്റെ ഭാര്യ നഫ്‌സില സാമൂഹിക മാധ്യമമായ ടെലഗ്രാം വഴി അയച്ച സന്ദേശത്തില്‍ നിന്ന് ഇയാള്‍ കൊല്ലപ്പെട്ടതായി ചില പൊലീസിന് സൂചനകള്‍ ലഭിച്ചിരുന്നു.തുടര്‍ന്ന് സമൂഹ മാധ്യമ അക്കൗണ്ടുകള്‍ വഴി പൊലീസ് നടത്തിയ അന്വേഷണത്തിലാണ് അന്‍വര്‍ കൊല്ലപ്പെട്ടതായി വ്യക്തമാക്കുന്ന കൂടുതല്‍ വിവരങ്ങള്‍ ലഭിച്ചത്.
പോപ്പുലര്‍ ഫ്രണ്ട് ഓഫ് ഇന്ത്യയുടെ സജീവ പ്രവര്‍ത്തകനായിരുന്ന ഇയാള്‍ ദുബായില്‍ ഡ്രൈവറായും ജോലി ചെയ്തിട്ടുണ്ട്.
Discussion about this post