ലൈംഗിക പീഡന പരാതിയില്‍ ബിനോയ് കോടിയേരിയെ കുടുക്കിലാക്കുക പരാതിക്കാരി ഹാജരാക്കുന്ന ശക്തമായ തെളിവുകള്‍. ബിനോയിയ്‌ക്കെതിരെയുള്ള പരാതിയിലെ ആരോപണങ്ങള്‍ ശരിവെക്കുന്ന തെളിവുകളാണ് മിക്കവയുമെന്നാണ് റി്‌പ്പോര്‍ട്ടുകള്‍.
യുവതി തെളിവായി പൊലീസിന് മുന്നില്‍ ഹാജരാക്കിയ പാസ്‌പോര്‍ട്ടാണ് ബിനോയ്ക്ക് പ്രധാന കുരുക്ക്. ഇതില്‍ യുവതിയുടെ ഭര്‍ത്താവിന്റെ പേരിന്റെ സ്ഥാനത്ത് ബിനോയ് വിനോദിനി ബാലകൃഷ്ണന്‍ എന്നാണ് രേഖപ്പെടുത്തിയിരിക്കുന്നത്.
2014ലാണ് ഈ പാസ്‌പോര്‍ട്ട് പുതുക്കിയിട്ടുള്ളത്. 2004ലെ പാസ്‌പോര്‍ട്ടിന്റെ കാലാവധി തീര്‍ന്നു പുതുക്കിയപ്പോഴായിരുന്നു ബിനോയിയുടെ പേര് ഉള്‍പ്പെടുത്തിയത്. ബിനോയിക്കെതിരെ നിര്‍ണായക തെളിവാകാന്‍ പോന്നതാണ് ഇപ്പോള്‍ പുറത്തുവന്നിരിക്കുന്ന പാസ്‌പോര്‍ട്ട് രേഖകള്‍.
ബിനോയ് കോടിയേരിയുമായുള്ള ബാങ്കിടപാടിന്റെ രേഖകളും യുവതി ഹാജരാക്കിയിട്ടുണ്ട്,. യുവതിയുടെ ബാങ്ക് അക്കൗണ്ടിലേക്ക് ബിനോയ് പല തവണ പണമയച്ചതായുള്ള തെളിവുകള്‍ യുവതി പോലീസിന് കൈമാറി. 50,000 രൂപ മുതല്‍ നാല് ലക്ഷം രൂപ വരെ പലപ്പോഴായി യുവതിക്ക് കൈമാറിയതായി മുംബൈ പോലീസ് കണ്ടെത്തിയിട്ടുണ്ട്. യുവതിയുടെ പേരിലുള്ള ഐസിഐസിഐ ബാങ്ക് അക്കൗണ്ടിലേക്കാണ് പലപ്പോഴായി പണം കൈമാറിയിട്ടുള്ളത്.
അതേസമയം ഒളിവില്‍ കഴിയുന്ന ബിനോയ് കോടിയേരിക്കെതിരെ ലുക്കൗട്ട് നോട്ടീസ് പുറപ്പെടുവിക്കുന്നത് മുംബൈ പൊലീസ് മരവിപ്പിച്ചു. മുന്‍കൂര്‍ ജാമ്യാപേക്ഷയില്‍ കോടതി ഉത്തരവ് വരും വരെ ലുക്കൗട്ട് നോട്ടീസ് മരവിപ്പിച്ചതായി മുംബൈ പൊലീസ് അറിയിച്ചു. മുന്‍കൂര്‍ ജാമ്യം തേടി ബിനോയ് മുംബൈ സെഷന്‍സ് കോടതിയില്‍ നല്‍കിയ ഹര്‍ജിയില്‍ നാളെ വിധി പറയും.
Discussion about this post