പൗരത്വ ഭേദഗതി നിയമത്തെ എതിർക്കുന്നവരെ സംവാദത്തിനു വെല്ലുവിളിച്ച് അമിത്ഷാ.
രാഹുൽ ഗാന്ധി, അഖിലേഷ് യാദവ്, മായാവതി, കമ്മ്യൂണിസ്റ്റ് പാർട്ടികൾ എന്ന് പേരെടുത്ത് പറഞ്ഞ് ഒരു പൊതുചർച്ചയ്ക്ക് പ്രതിപക്ഷത്തെ ഒന്നടങ്കം അമിത്ഷാ വെല്ലുവിളിച്ചു.”പൗരത്വ ഭേദഗതി നിയമത്തെ എതിർക്കുന്നതിനായി രാജ്യവ്യാപകമായി ആശങ്ക സൃഷ്ടിക്കുന്നവരെ ഞാൻ ഒരു സംവാദത്തിന് വെല്ലുവിളിക്കുന്നു..പ്രത്യേകമായി രാഹുൽ ഗാന്ധി, അഖിലേഷ് യാദവ്, മായാവതി, കമ്മ്യൂണിസ്റ്റ് പാർട്ടികൾ എന്നിവരെ,ഒരു പൊതുചർച്ചയിൽ പങ്കെടുത്ത പൗരത്വ ഭേദഗതി നിയമം കൊണ്ട് ഇന്ത്യക്കാരുടെ പൗരത്വം നഷ്ടപ്പെടുമെന്ന് നിങ്ങൾക്ക് തെളിയിക്കാമോ” എന്നാണ് അമിത് ഷാ വെല്ലുവിളിച്ചത്.
ലക്നൗവിലെ പൗരത്വ ഭേദഗതി നിയമ ബോധവൽക്കരണ പരിപാടിയിൽ പ്രസംഗിക്കുകയായിരുന്നു അമിത് ഷാ.എതിർക്കാവുന്നതിന്റെ അങ്ങേയറ്റം എതിർക്കാം,പക്ഷേ, പൗരത്വ ഭേദഗതി നിയമം നടപ്പിലാക്കുന്നതിൽ നിന്ന് ഒരടി പിന്നോട്ടില്ലെന്നും കേന്ദ്ര ആഭ്യന്തരമന്ത്രി പ്രഖ്യാപിച്ചു.
Discussion about this post