ലഖ്‌നൗ: സൈന്യത്തിനായി ലോകത്തിലെ ആദ്യ ബുള്ളറ്റ് പ്രൂഫ് ഹെല്‍മെറ്റ് നിര്‍മിച്ച്‌ ഇന്ത്യന്‍ ആര്‍മി മേജര്‍ അനൂപ് മിശ്ര. കരസേനയുടെ മിലിട്ടറി എന്‍ജിനീയറിങ് കോളജിന്റെ ഭാഗമായ അനൂപ് ‘അഭേദ്യ’ എന്ന പദ്ധതിയുടെ ഭാഗമായാണ് ഈ ഹെല്‍മറ്റ് വികസിപ്പിച്ചത്. പത്ത് മീറ്റര്‍ അകലെ നിന്ന് എകെ 47 നില്‍ നിന്ന് വെടിയുതിര്‍ത്താല്‍ പോലും അപകടം സംഭവിക്കാതെ സംരക്ഷിക്കാന്‍ സാധിക്കുമെന്ന് സൈന്യം വ്യക്തമാക്കി.
നേരത്തേ ബുള്ളറ്റ് പ്രൂഫ് ജാക്കറ്റ് കണ്ടുപിടിച്ചും അനൂപ് ശ്രദ്ധേയനായിരുന്നു. പരമ്പരാഗത രീതിയിലുള്ള ബുള്ളറ്റ് പ്രൂഫ് ജാക്കറ്റ് ധരിച്ചിരുന്ന അനൂപിന് വെടിയേറ്റതാണ് പുതിയ കണ്ടുപിടിത്തത്തിലേക്ക് നയിച്ചത്. ദേഹം മുഴുവന്‍ സംരക്ഷിക്കുന്ന ജാക്കറ്റിന് വലിയ തോക്കുകളില്‍ നിന്നുള്ള വെടിയുണ്ടകളെപ്പോലും തടയാന്‍ കരുത്തുണ്ട്. ഇന്ത്യ – പാകിസ്ഥാന്‍ അതിര്‍ത്തിയില്‍ പാക്ക് ആര്‍മി സ്‌നിപ്പര്‍മാരില്‍ നിന്നുള്ള അപ്രതീക്ഷിത ആക്രമത്തില്‍ നിന്ന് രക്ഷ നേടാനായാണ് ഈ ബുള്ളറ്റ് പ്രൂഫ് ജാക്കറ്റുകള്‍ വികസിപ്പിച്ചത്.
Discussion about this post