ന്യൂഡൽഹി:രാമാനന്ദ് സാഗറിന്റെ ‘രാമായണത്തിനും’ ബി ആർ ചോപ്രയുടെ ‘മഹാഭാരതത്തിനും’ ശേഷം ദൂരദർശൻ ‘ശ്രീകൃഷ്ണ’ സീരിയലും പുന:സംപ്രേഷണം ചെയ്യാനൊരുങ്ങുന്നു. രാജ്യം മുഴുവനും ലോക്ക്ഡൗണിലായിരിക്കുന്ന സാഹചര്യത്തിൽ പ്രേക്ഷകരുടെ ആവശ്യം കണക്കിലെടുത്ത് ‘സർക്കസ്’, ‘രജനി’, ‘ശക്തിമാൻ’ എന്നീ പരമ്പരകളും ദൂരദർശൻ പുനസംപ്രേഷണം ചെയ്ത് തുടങ്ങിയിരുന്നു.ഇതോടെ ദൂരദർശൻ ചാനലിന്റെ ടി.ആർ.പി റേറ്റിംഗ് കുതിച്ചുയർന്നു.
ട്വിറ്ററിലൂടെയാണ് ഈ സന്തോഷ വാർത്ത ദൂരദർശൻ ജനങ്ങളെ അറിയിച്ചത്.
1993 മുതൽ 1996 വരെയുള്ള കാലഘട്ടത്തിൽ സംപ്രേഷണം ചെയ്തിരുന്ന ‘ശ്രീകൃഷ്ണ’ പരമ്പരക്ക് ഒട്ടേറെ ആരാധകരാണുണ്ടായിരുന്നത്.അതിന് ശേഷം സീ ടീവിയിലും സോണിയിലും പല കാലഘട്ടങ്ങളിലായി ശ്രീകൃഷ്ണയുടെ പുനഃസംപ്രേഷണം നടന്നിരുന്നു.രാജ്യം ലോക്ക്ഡൗണിലായിരിക്കെ ഈ വാർത്ത ജനങ്ങൾക്ക്, പ്രത്യേകിച്ച് തൊണ്ണൂറുകളിലെ തലമുറയ്ക്ക് വളരെ ആഹ്ലാദം പകരുന്നതാണ്.
Discussion about this post