ശ്രീനഗർ: ജമ്മു കശ്മീരിലെ കുൽഗാമിൽ നടന്ന ഏറ്റുമുട്ടലിൽ ഒരു ഭീകരനെ സുരക്ഷാ സേന വധിച്ചു. കുൽഗാമിലെ ആരാ മേഖലയിൽ ഭീകരരുടെ സാന്നിദ്ധ്യമുണ്ടെന്ന രഹസ്യ വിവരത്തെ തുടർന്ന് സൈന്യം നടത്തിയ തിരച്ചിലിനിടെയാണ് ഏറ്റുമുട്ടൽ ഉണ്ടായതെന്ന് ജമ്മു കശ്മീർ പൊലീസ് അറിയിച്ചു.
പ്രദേശത്ത് തിരച്ചിൽ നടത്തുകയായിരുന്ന സൈനികരുടെ നേർക്ക് പതിയിരുന്ന ഭീകരർ വെടിയുതിർക്കുകയായിരുന്നു. തുടർന്ന് സുരക്ഷാ സേന നടത്തിയ പ്രത്യാക്രമണത്തിലാണ് ഭീകരൻ കൊല്ലപ്പെട്ടത്. ഏറ്റുമുട്ടൽ ഇപ്പോഴും തുടരുകയാണെന്ന് വാർത്താ ഏജൻസി റിപ്പോർട്ട് ചെയ്യുന്നു.
വെടിനിർത്തൽ ലംഘിച്ച രണ്ട് പാക് സൈനികരെ കഴിഞ്ഞ ദിവസം സൈന്യം വധിച്ചിരുന്നു. നുഴഞ്ഞു കയറി ആക്രമണങ്ങൾ സംഘടിപ്പിക്കാൻ പദ്ധതിയിട്ട കൊടും ഭീകരൻ ഷഹീദ് ദാസിനെയും കഴിഞ്ഞ ദിവസം സൈന്യം വകവരുത്തിയിരുന്നു.
Discussion about this post