‘സച്ചിൻ പൈലറ്റിനെ കോൺഗ്രസ്സ് നേതൃത്വം ഒതുക്കുന്നു‘; കോൺഗ്രസ്സിലെ യുവാക്കളുടെ ദയനീയാവസ്ഥയിൽ സഹതാപമെന്ന് ജ്യോതിരാദിത്യ സിന്ധ്യ

ഡൽഹി: രാജസ്ഥാനിലെ കോൺഗ്രസ്സിൽ പ്രതിസന്ധി രൂക്ഷമായിരിക്കുന്ന സാഹചര്യത്തിൽ യുവനേതാവ് സച്ചിൻ പൈലറ്റിന് പിന്തുണയുമായി ബിജെപി നേതാവ് ജ്യോതിരാദിത്യ സിന്ധ്യ. കോൺഗ്രസ്സിലെ മുതിർന്ന് നേതാക്കൾ യുവാക്കളെ ഒതുക്കുന്നതിൽ തനിക്ക് ആത്മാർത്ഥമായ ദുഖമുണ്ടന്നും സിന്ധ്യ അഭിപ്രായപ്പെട്ടു.

Sad to see my erstwhile colleague, @SachinPilot too, being sidelined and persecuted by Rajasthan CM, @ashokgehlot51 . Shows that talent and capability find little credence in the @INCIndia .

— Jyotiraditya M. Scindia (मोदी का परिवार) (@JM_Scindia) July 12, 2020

കോൺഗ്രസ്സിൽ യുവത്വത്തിനും കഴിവിനും യാതൊരു പ്രാധാന്യവുമില്ലെന്നതിന്റെ ഏറ്റവും പ്രകടമായ ഉദാഹരണമാണ് പൈലറ്റിന്റെ ദുര്യോഗമെന്നും സിന്ധ്യ പറഞ്ഞു. കഴിഞ്ഞ പതിനെട്ട് വർഷത്തെ കോൺഗ്രസ്സ് ബന്ധം ഉപേക്ഷിച്ച് ബിജെപിയിൽ ചേർന്ന സിന്ധ്യ പാർട്ടി ബന്ധം ഉപേക്ഷിക്കുന്നതിന് പറഞ്ഞ അതേ കാരണങ്ങൾ തന്നെയാണ് നിലവിൽ സച്ചിൻ പൈലറ്റും പറയുന്നത്.

2018ൽ രാജസ്ഥാനിൽ കോൺഗ്രസ്സ് അധികാരത്തിൽ വന്നപ്പോൾ മുതൽ ആരംഭിച്ച ശീതസമരമാണ് നിലവിൽ മറനീക്കി പുറത്ത് വന്നിരിക്കുന്നത്. 23 എം എൽ എമാരുടെ പിന്തുണയുണ്ടെന്ന് അവകാശപ്പെട്ട് ഡൽഹിയിലെത്തിയിരിക്കുന്ന സച്ചിൻ പൈലറ്റ് ബിജെപിയിൽ ചേരുമെന്ന് അഭ്യൂഹങ്ങളുണ്ട്. ഈ സാഹചര്യത്തിൽ ഏവരും ഉറ്റു നോക്കുകയാണ് രാജസ്ഥാനിലെ കലുഷിതമായ രാഷ്ട്രീയ അന്തരീക്ഷത്തിലേക്ക്.