സാംസ്കാരിക മന്ത്രാലയം അതിന്റെ പതിവ് പ്രവർത്തനങ്ങളിൽ സമൂല പരിഷ്കാരം വരുത്താനൊരുങ്ങുന്നുവെന്ന് റിപ്പോർട്ടുകൾ.ഇന്ത്യൻ സ്വാതന്ത്ര്യ സമരവുമായി ബന്ധപ്പെട്ട വെബ്-സീരീസ് ഉൾപ്പെടെ നിരവധി ഡിജിറ്റൽ സംരംഭങ്ങൾ ജനങ്ങൾക്ക് മുമ്പിൽ അവതരിപ്പിക്കാനാണ് സാംസ്കാരിക മന്ത്രാലയം തീരുമാനിച്ചിട്ടുള്ളത്.ഇതിനോടൊപ്പം ചരിത്ര പ്രാധാന്യമുള്ള സ്മാരകങ്ങളിലേക്ക് വിർച്വൽ യാത്രയും ജനങ്ങൾക്കായി അധികൃതർ സംഘടിപ്പിക്കുമെന്ന് റിപ്പോർട്ടുകൾ വ്യക്തമാക്കുന്നു.
ഓൺലൈനായി ജനങ്ങൾക്ക് ഉപകാരപ്പെടുന്ന ഒരുപാട് സംരംഭങ്ങൾ ആരംഭിക്കാനുള്ള തയ്യാറെടുപ്പുകൾ നടന്നുവരികയാണെന്ന് കേന്ദ്ര സാംസ്കാരിക വകുപ്പ് മന്ത്രി പ്രഹ്ലാദ് പട്ടേൽ മാധ്യമങ്ങളോട് പറഞ്ഞു. വെബ്സീരീസ് തയ്യാറാക്കുന്നതിനായി മൂന്നാഴ്ച മുമ്പ് കേന്ദ്ര സാംസ്കാരിക മന്ത്രാലയത്തിലെ ഉദ്യോഗസ്ഥർ നാഷണൽ ഫിലിം ഡെവലപ്മെന്റ് കോർപ്പറേഷൻ ഓഫ് ഇന്ത്യയെ സമീപിച്ചിരുന്നു.ഇരുപതോളം എപ്പിസോഡുകളിലായി തയ്യാറാക്കാൻ ഉദ്ദേശിച്ചിട്ടുള്ള വെബ്സീരീസ് നെറ്റ്ഫ്ളിക്സ്, ആമസോൺ പ്രൈം പോലുള്ള ഓവർ ദി ടോപ് മീഡിയ (ഒടിടി) പ്ലാറ്റ്ഫോമുകളിൽ പ്രദർശിപ്പിക്കുമെന്നാണ് അധികൃതർ അറിയിച്ചിട്ടുള്ളത്.
Discussion about this post