ഡൽഹി : പുതിയതായി നിർമ്മിക്കുന്ന പാർലമെന്റ് കെട്ടിടത്തിന് മുകളിൽ ദേശീയ ചിഹ്നമായ അശോകസ്തംഭം സ്ഥാപിക്കുന്ന കാര്യത്തിൽ തീരുമാനമായി. ഇത് നിർമാണ കരാറിൽ ഉൾപ്പെടുത്തിയ കാര്യം നഗരകാര്യ മന്ത്രാലയമാണ് അറിയിച്ചത്. പാർലമെന്റ് കെട്ടിടത്തിന്റെ ഏകദേശ രൂപരേഖ തയ്യാറായിട്ടുണ്ടെന്നും നഗരകാര്യ മന്ത്രാലയത്തിന്റെ റിപ്പോർട്ടുകൾ വ്യക്തമാക്കുന്നു.
ത്രികോണാകൃതിയിൽ നിർമിക്കാനുദ്ദേശിക്കുന്ന പാർലമെന്റ് കെട്ടിടത്തിന് രണ്ടു നിലകളായിരിക്കും ഉണ്ടായിരിക്കുക. ഇതിന്റെ നിർമ്മാണ പ്രവർത്തനങ്ങൾ മൺസൂൺ സെഷനു ശേഷം ആരംഭിക്കുമെന്ന് അധികൃതർ അറിയിച്ചു.പാർലമെന്റ് കെട്ടിടത്തിന്റെ നിർമ്മാണത്തിനായി കേന്ദ്രം ലിസ്റ്റ് ചെയ്തിട്ടുള്ള ലാർസൻ ആൻഡ് ടർബോ, ടാറ്റാ പ്രോജക്ട്, ഷപൂർജി പല്ലോഞ്ചി ആൻഡ് കമ്പനി എന്നീ 3 കമ്പനികളിൽ നിന്നും നിർമ്മാണ കമ്പനിയെ തെരഞ്ഞെടുക്കും. അറുപതിനായിരം ചതുരശ്ര മീറ്റർ വിസ്തീർണമുള്ള സ്ഥലത്തായിരിക്കും പാർലമെന്റ് കെട്ടിടം നിർമിക്കുക. 2022 ഓടെ നിർമാണം പൂർത്തിയാകുമെന്നാണ് പ്രതീക്ഷിക്കുന്നത്.
Discussion about this post