ഡല്‍ഹി: രാജ്യം72-ാം റിപ്പബ്ലിക് ആഘോഷിക്കുന്നതിനിടെ റിപ്പബ്ലിക്ക് ദിന പരേഡില്‍ ശ്രീരാമക്ഷേത്രം. ഉത്തര്‍പ്രദേശ് സംസ്ഥാനത്തിന്റെ ഔദ്യോഗിക ഫ്‌ലോട്ടായിട്ടാണ് ശ്രീരാമക്ഷേത്ര മാതൃക പ്രദര്‍ശിപ്പിച്ചത്. പ്രധാന വേദിക്ക് മുന്നിലേക്ക് ശ്രീരാമ ക്ഷേത്ര മാതൃക എത്തിയതോടെ എല്ലാ മന്ത്രിമാരും കാണികളും എഴുന്നേറ്റ് നിന്ന് കയ്യടിച്ചാണ് സ്വീകരിച്ചത്.
വാത്മീകി മഹര്‍ഷിയുടെ രൂപം മുന്നില്‍ നിന്നും ദൃശ്യമാകുന്ന രൂപകല്‍പ്പനയില്‍ പിന്നിലായി ശ്രീരാമക്ഷേത്രം കാവിപതാക അണിഞ്ഞ് രാജ്‍പഥിലൂടെ നീങ്ങി. ഇരുവശവും മഹര്‍ഷിമാരുടെ വേഷം ധരിച്ച ഭജനസംഘങ്ങളുമായി പുരുഷന്മാരും സ്ത്രീകളും അയോദ്ധ്യയുടെ ആദ്ധ്യാത്മികത എടുത്തുകാട്ടി.
ഭൂരിപക്ഷം സംസ്ഥാനങ്ങളുടെയും നിശ്ചല ദൃശ്യത്തിന്റെ ആശയം ഇന്ത്യന്‍ പാരമ്പര്യം കാത്തുസംരക്ഷിക്കുന്ന ആദ്ധ്യാത്മിക കേന്ദ്രങ്ങളായിരുന്നു.
Discussion about this post