ഡൽഹി: ധനകാര്യ വകുപ്പ് മന്ത്രി നിർമ്മല സീതാരാമൻ അവതരിപ്പിച്ച കേന്ദ്ര ബജറ്റിനെ പ്രശംസിച്ച് പ്രധാനമന്ത്രി നരേന്ദ്ര മോദി. കൊവിഡ് വ്യാപനത്തിന്റെ പ്രതിസന്ധികൾക്കിടയിൽ ഇന്ത്യയുടെ ആത്മവിശ്വാസം ഉയർത്തുന്നതാണ് ബജറ്റ്. സ്വയം പര്യാപ്തതയാണ് ബജറ്റ് വിഭാവനം ചെയ്യുന്നതെന്നും അദ്ദേഹം പറഞ്ഞു.
വളർച്ചയുടെ സാദ്ധ്യതകൾ വിശാലമാക്കുക, യുവാക്കൾക്ക് പുതിയ അവസരങ്ങൾ നൽകുക, മാനവവിഭവ ശേഷിയുടെ പ്രയോജനം വർദ്ധിപ്പിക്കുക, അടിസ്ഥാന സൗകര്യ വികസനത്തിന്റെ പുതിയ മേഖലകൾ വിപുലമാക്കുക, സാങ്കേതിക വിദ്യയുടെ ഉപയോഗം വർദ്ധിപ്പിക്കുക, പുതിയ പരിഷ്കാരങ്ങൾ നടപ്പിലാക്കുക എന്നതും ബജറ്റിന്റെ ലക്ഷ്യങ്ങളാണ്.
വിജയകരമായ ബജറ്റ് അവതരിപ്പിച്ചതിന് കേന്ദ്ര ധനാര്യ മന്ത്രിയെയും ഉദ്യോഗസ്ഥരെയും പ്രധാനമന്ത്രി അഭിനന്ദിച്ചു. പലരും പ്രവചിച്ചത് നികുതി ഭാരം വർദ്ധികുമെന്നായിരുന്നു. എന്നാൽ അതുണ്ടായില്ലെന്നും പ്രധാനമന്ത്രി കൂട്ടിച്ചേർത്തു.
കർഷകരുടെ വരുമാനം ഉയർത്താൻ നിരവധി പദ്ധതികൾ നിറഞ്ഞതാണ് ബജറ്റ്. കർഷകരുടെ നൂലാമാലകൾ ഒഴിവാക്കി അതിവേഗം വായ്പകൾ ലഭ്യമാക്കും. എ പി എം സി വിപണികളെ ശക്തിപ്പെടുത്താൻ ബജറ്റിൽ നിർദ്ദേശങ്ങളുണ്ട്. ആരോഗ്യ രംഗത്തിനും സാമ്പത്തിക രംഗത്തിനും തുല്യ പ്രാധാന്യം കൊടുത്തു കൊണ്ടുള്ള ബജറ്റാണ് ധനകാര്യ മന്ത്രി ഇന്ന് അവതരിപ്പിച്ചതെന്നും പ്രധാനമന്ത്രി നരേന്ദ്ര മോദി വ്യക്തമാക്കി.
Discussion about this post