വരുന്നു ജൂനിയർ മുരളി; സ്പിൻ ഇതിഹാസം മുത്തയ്യ മുരളീധരന്റെ മകൻ നരേന്റെ ബൗളിംഗ് വീഡിയോ പുറത്ത് (വീഡിയോ കാണാം)

കൊളംബൊ: സ്പിൻ ഇതിഹാസം മുത്തയ്യ മുരളീധരന്റെ മകൻ നരേന്റെ ബൗളിംഗ് വീഡിയോ പുറത്ത്. നെറ്റ്സിൽ ബൗൾ ചെയ്യുന്ന നരേന്റെ വീഡിയോ മുരളീധരൻ തന്നെയാണ് ട്വിറ്ററിലൂടെ പുറത്തു വിട്ടത്. മുരളീധരന്റേതിന് സമാനമായ ബൗളിംഗ് ആക്ഷനാണ് മകന്റേതും.

Father and Son Time! Video credits @SunRisers pic.twitter.com/Jv8fYOAZcp

— Muthiah Muralidaran (@Murali_800) July 15, 2021

എക്കാലത്തേയും മികച്ച സ്പിൻ ബൗളർമാരിൽ ഒരാൾ എന്ന് വിശേഷിപ്പിക്കപ്പെടുന്ന മുരളീധരന് 133 ടെസ്റ്റ് മത്സരങ്ങളിൽ നിന്നും 22.7 ശരാശരിയിൽ 800 വികറ്റുകൾ ഉണ്ട്. ഇത് സർവ്വകാല റെക്കോർഡാണ്. ഏകദിനങ്ങളിൽ 534 വിക്കറ്റുകളും ട്വെന്റി 20യിൽ 13 വിക്കറ്റുകളും അദ്ദേഹത്തിന് സ്വന്തമായുണ്ട്.

തന്റെ കാലഘട്ടത്തിലെ മികച്ച ബാറ്റ്സ്മാന്മാരായ സച്ചിൻ ടെണ്ടുൽക്കർ, ആദം ഗിൽക്രിസ്റ്റ്, സയീദ് അൻവർ എന്നിവരെ നിരവധി തവണ പുറത്താക്കിയിട്ടുള്ള മുത്തയ്യ മുരളീധരൻ വർഷങ്ങളോളം ശ്രീലങ്കൻ ക്രിക്കറ്റിന്റെ നെടും തൂണായിരുന്നു.