ഡൽഹി: സ്ത്രീകൾക്ക് 33 ശതമാനം സംവരണം ഏർപ്പെടുത്തിയ രാജ്യത്തെ ഒരേയൊരു രാഷ്ട്രീയ പാർട്ടിയാണ് ബിജെപിയെന്ന് മഹിളാമോർച്ച നേതാവ് വാനതി ശ്രീനിവാസൻ. കേന്ദ്ര കാബിനറ്റിൽ ഉൾപ്പെട്ട എല്ലാ വനിതകൾക്കും ആശംസ അറിയിക്കുന്നതായും അവർ പറഞ്ഞു. കേന്ദ്ര മന്ത്രിമാരായ സാധ്വി നിരഞ്ജൻ ജ്യോതി, മീനാക്ഷി ലേഖി, രേണുക സിംഗ്, ശോഭ കരന്തലജെ, അന്നപൂർണ്ണ ദേവി, പ്രതിഭ ഭൗമിക്, ഡോക്ടർ ഭാരതി പവാർ എന്നിവർക്ക് പ്രത്യേക ചടങ്ങിൽ മഹിളാമോർച്ച അഭിവാദ്യം അർപ്പിച്ചു.
സ്ത്രീകളെ തെരഞ്ഞെടുപ്പിൽ മത്സരിപ്പിച്ച് ജയിപ്പിക്കാൻ മാത്രമല്ല, അവരെ കാബിനറ്റ് മന്ത്രിമാരായി നിയോഗിക്കാനും ബിജെപിക്ക് ഒരു മടിയുമില്ല. സ്ത്രീകൾക്ക് എല്ല മേഖലകളിലും അർഹമായ പ്രാധാന്യം എന്നതാണ് ബിജെപി നയമെന്നും വാനതി ശ്രീനിവാസൻ പറഞ്ഞു.
സ്ത്രീകളെ ആദരിക്കുന്ന മഹനീയമായ പാരമ്പര്യമാണ് ഭാരതത്തിന് ഉണ്ടായിരുന്നതെന്ന് ബിജെപി ദേശീയ അധ്യക്ഷൻ ജെ പി നഡ്ഡ പറഞ്ഞു. സ്ത്രീകളുടെയും കുട്ടികളുടെയും ഉന്നമനത്തിനായി നരേന്ദ്ര മോദി സർക്കാർ കൊണ്ടു വന്ന പദ്ധതികളും അദ്ദേഹം വിശദീകരിച്ചു.
Discussion about this post