ശ്രീനഗർ : ജമ്മു കശ്മീരിൽ വീണ്ടും ഭീകരാക്രമണം. ഉച്ചയോടെ ആശുപത്രിയ്‌ക്ക് മുൻപിൽ വിന്യസിച്ചിരുന്ന സുരക്ഷാ സേനാംഗങ്ങൾക്ക് നേരെ ഭീകരർ വെടിയുതിർക്കുകയായിരുന്നു. ശ്രീനഗറിലെ എസ്‌കെഐഎംഎസ് മെഡിക്കൽ കോളേജ് ആശുപത്രിയ്‌ക്ക് മുൻപിൽ വിന്യസിച്ച സേനാംഗങ്ങൾക്ക് നേരെയാണ് ആക്രമണം ഉണ്ടായത്.
വാഹനത്തിൽ എത്തിയ ഭീകര സംഘം ആശുപത്രിയ്‌ക്ക് മുൻപിൽ സുരക്ഷയൊരുക്കിയ സേനാംഗങ്ങൾക്ക് നേരെ വെടിയുതിർത്ത ശേഷം കടന്നു കളഞ്ഞു. ആക്രമണത്തിൽ ആളപായമൊന്നും റിപ്പോർട്ട് ചെയ്തിട്ടില്ല. ഭീകരാക്രമണത്തിന്റെ പശ്ചാത്തലത്തിൽ ആശുപത്രിയ്‌ക്കുള്ളിലും പരിസരത്തും സുരക്ഷ ശക്തമാക്കുകയും ആശുപത്രിയുടെ പരിസരത്ത് അതീവ ജാഗ്രതാ നിർദ്ദേശം പുറപ്പെടുവിക്കുകയും ചെയ്തിട്ടുണ്ട്.
കഴിഞ്ഞ മാസം ശ്രീനഗർ ഉൾപ്പെടെയുള്ള പ്രധാന നഗരങ്ങളിൽ ഉണ്ടായ ഭീകരാക്രമണങ്ങളിൽ പത്തിലധികം പേരാണ് കൊല്ലപ്പെട്ടത്. അതിനു ശേഷം ഒഇപ്പോളാണ് ജമ്മു കശ്മീരിൽ ഭീകരാക്രമണം ഉണ്ടാകുന്നത്.
Discussion about this post