ഇടുക്കി: പാതിരാത്രിയിൽ ഡാം തുറന്നു വിടുന്നത് ശുദ്ധ മര്യാദകേടെന്ന് മുൻ വൈദ്യുതി വകുപ്പ് മന്ത്രി എം എം മണി. തമിഴ്നാടിന്റെ നടപടിയെ പിന്തുണയ്ക്കുന്ന നിലപാട് സ്വീകരിക്കുകയാണ് കേന്ദ്ര സർക്കാരെന്നും എം എം മണി വിമർശിച്ചു. ഇതിനെതിരെ പറയാൻ ആർജവമില്ലാത്ത നേതാക്കൾ വീട്ടിലിരുന്ന് സമരം ചെയ്യണമെന്നും എംഎം മണി പറഞ്ഞു.
ഇന്നും കഴിഞ്ഞ രാത്രിയിലും മുന്നറിയിപ്പില്ലാതെ മുല്ലപ്പെരിയാർ ഡാം തമിഴ്നാട് തുറന്നിരുന്നു. ഒമ്പത് ഷട്ടറുകളാണ് കഴിഞ്ഞ രാത്രിയിൽ തുറന്നത്. ഇതേത്തുടർന്ന് വണ്ടിപ്പെരിയാറിലെ നിരവധി വീടുകളിൽ വെള്ളം കയറിയിരുന്നു.
സെക്കന്റിൽ 5668 ഘനയടി വെള്ളമാണ് അണക്കെട്ടിൽ നിന്നും ഒഴുക്കി വിട്ടത്. തമിഴ്നാട് കൊണ്ടുപോകുന്ന വെള്ളത്തിന്റെ അളവ് 1200 ഘന അടിയിൽ നിന്നും 1800 ഘന അടിയായി വർദ്ധിപ്പിച്ചിരിക്കുകയാണ്. രാത്രികാലങ്ങളിൽ മുന്നറിയിപ്പില്ലാതെ ഡാം തുറക്കരുതെന്നും പകൽ സമയത്ത് മാത്രമേ ഷട്ടർ ഉയർത്താവൂ എന്നും ആവശ്യപ്പെട്ട് മുഖ്യമന്ത്രി പിണറായി വിജയൻ തമിഴ്നാട് മുഖ്യമന്ത്രി എം കെ സ്റ്റാലിന് കത്തയച്ചിരുന്നു. എന്നാൽ കത്ത് സ്റ്റാലിൻ അവഗണിച്ചിരുന്നു.
Discussion about this post