‘കശ്മീരി പണ്ഡിറ്റുകൾക്ക് കശ്മീരിൽ തന്നെ ജീവിക്കാനുള്ള സാഹചര്യം ഒരുക്കണം‘: ബംഗ്ലാദേശിൽ നിന്നുമുള്ള ബംഗാളി ഹിന്ദുക്കളുടെ പലായനം പ്രമേയമാക്കിയും സിനിമ ഉണ്ടാകണമെന്ന് തസ്ലീമ നസ്രീൻ

കശ്മീരി പണ്ഡിറ്റുകൾക്ക് കശ്മീരിൽ തന്നെ ജീവിക്കാനുള്ള സാഹചര്യം ഒരുക്കണമെന്ന് ബംഗ്ലാദേശി എഴുത്തുകാരി തസ്ലീമ നസ്രീൻ. ബംഗ്ലാദേശിൽ നിന്നുമുള്ള ബംഗാളി ഹിന്ദുക്കളുടെ പലായനം പ്രമേയമാക്കിയും സിനിമ ഉണ്ടാകണമെന്നും അവർ ആവശ്യപ്പെട്ടു. ‘കശ്മീർ ഫയൽസ്‘ കണ്ട ശേഷമായിരുന്നു അവരുടെ പ്രതികരണം.

‘കശ്മീർ ഫയൽസ് കണ്ടു. ഈ കഥ 100 ശതമാനം സത്യമാണെങ്കിൽ, ഒട്ടും അതിശയോക്തി ഇല്ലെങ്കിൽ, അർദ്ധസത്യമല്ലെങ്കിൽ- എങ്കിൽ ഇത് തീർച്ചയായും ദു:ഖകരമായ സിനിമയാണ്. കശ്മീരി പണ്ഡിറ്റുകൾക്ക് കശ്മീരിൽ തന്നെ ജീവിക്കാനുള്ള അവകാശം ലഭ്യമാക്കണം. ബംഗ്ലാദേശിൽ നിന്നുള്ള ബംഗാളി ഹിന്ദുക്കളുടെ പലായനം പ്രമേയമാക്കി എന്തു കൊണ്ട് സിനിമ വരുന്നില്ല എന്ന് ഞാൻ അത്ഭുതപ്പെടുകയാണ്.‘ ഇതായിരുന്നു തസ്ലീമയുടെ ട്വീറ്റ്.

29 വർഷമായി ബെസ്റ്റ് സെല്ലർ പട്ടികയിൽ ഉണ്ടായിരുന്ന പുസ്തകമാണ് ‘ലജ്ജ‘. എന്നാൽ ആ പുസ്തകത്തെ ആധാരമാക്കി സിനിമ ചെയ്യാൻ ആരും ധൈര്യപ്പെട്ടിട്ടില്ല എന്നും തസ്ലീമ നസ്രീൻ പറഞ്ഞു.

Lajja has been in the best seller list for 29 years. But no one was dare to make a movie on that book.

— taslima nasreen (@taslimanasreen) March 20, 2022

Watched The Kashmiri Files today. If the story was 100% true, no exaggeration, no half truth— then it is really a sad story & Kashmiri Pandit must get back their right to live in Kashmir. I don't understand why no film was made on the exodus of Bengali Hindus from Bangladesh.

— taslima nasreen (@taslimanasreen) March 18, 2022