മുംബൈ: ഷാരൂഖ് ഖാൻ നായകനായ ബോളിവുഡ് ചിത്രം ‘പത്താൻ‘ വ്യാജ പതിപ്പ് ഓൺലൈനിൽ പ്രചരിക്കുന്നു. ഇന്ത്യയിൽ ചിത്രം തിയേറ്ററിൽ റിലീസ് ചെയ്യുന്നതിന് മണിക്കൂറുകൾക്ക് മുൻപേ, ചിത്രത്തിന്റെ എച്ച് ഡി പ്രിന്റുകൾ ഓൺലൈൻ സൈറ്റുകളിൽ ലഭ്യമാണ്. Tamilrockers, Filmyzilla, Filmy4wap തുടങ്ങിയ സൈറ്റുകളിലാണ് ചിത്രത്തിന്റെ പ്രിന്റുകൾ പ്രചരിക്കുന്നത്.
ഓൺലൈനിൽ, ഒരു സൈറ്റിൽ നിന്നും ചിത്രം ഡിലീറ്റ് ചെയ്താൽ ഉടൻ തന്നെ അടുത്ത സൈറ്റിൽ പ്രിന്റ് ലഭ്യമാകുന്ന സാഹചര്യമുണ്ടെന്ന് അണിയറ പ്രവർത്തകർ പരാതിപ്പെടുന്നു. ഇതുമായി ബന്ധപ്പെട്ട് ചിത്രത്തിന്റെ നിർമ്മാതാക്കളായ യാഷ് രാജ് ഫിലിംസ് അധികൃതർക്ക് പരാതി നൽകി. വ്യാജ പതിപ്പുകൾക്കെതിരെ ഷാരൂഖ് ഖാൻ ആരാധകർ രംഗത്ത് വരണമെന്നാണ് നിർമ്മാതാക്കളുടെ ആവശ്യം.
വ്യാജ പതിപ്പുകൾ ശ്രദ്ധയിൽ പെട്ടാൽ ഉടൻ തന്നെ ബന്ധപ്പെട്ട അധികാരികളെ വിവരമറിയിക്കണം എന്നാണ് നിർമ്മാതാക്കൾ ആരാധകരോട് അഭ്യർത്ഥിക്കുന്നത്. ചിത്രത്തിന്റെ കഥയുമായി ബന്ധപ്പെട്ട വിവരങ്ങൾ പുറത്ത് പറയരുതെന്നും വ്യാജന്മാരിൽ നിന്നും അകന്ന് നിൽക്കണമെന്നും നായിക ദീപിക പദുക്കോണും ആരാധകരോട് അഭ്യർത്ഥിച്ചു.
ചിത്രത്തിന്റെ വ്യാജ പതിപ്പ് ഓൺലൈനിൽ ചോർന്നത് രാജ്യസുരക്ഷയെ ബാധിക്കുന്ന വിഷയമാണ് എന്നായിരുന്നു നടി കത്രീന കൈഫിന്റെ പ്രതികരണം.
Discussion about this post