\പട്ന: മദ്യമാഫിയ തലവനെ കണ്ടെത്താൻ തത്തയെ ചോദ്യം ചെയ്ത് ബിഹാർ പോലീസ്. ബിഹാറിലെ അമൃത് മല്ലയ്യ എന്ന ഗുണ്ടാ-മദ്യമാഫിയ തലവനെ കണ്ടെത്താനാണ് പോലീസ് വേറിട്ട വഴി സ്വീകരിച്ചത്. രഹസ്യവിവരം ലഭിച്ചതിന്റെ അടിസ്ഥാനത്തിൽ ബിഹാർ പോലീസ് കഴിഞ്ഞ ദിവസം ഇമൃത് മല്ലയയുടെ വീട്ടിലെത്തിയിരുന്നു. എന്നാൽ എസ്ഐ കനയ്യ കുമാറിന്റെ നേതൃത്വത്തിൽ പോലീസ് എത്തുമ്പോഴേക്കും അമൃതും കുടുംബവും രക്ഷപ്പെട്ടു.
നിരാശരായി തിരിച്ചു മടങ്ങാനൊരുങ്ങുമ്പോഴാണ് തത്തയെ പോലീസ് ശ്രദ്ധിക്കുന്നത്. തുടർന്ന് അമൃതിനെ കുറിച്ച് എന്തെങ്കിലും വിവരം ലഭിക്കാൻ തത്തയെ ചോദ്യം ചെയ്യുകയായിരുന്നു.
പോലീസ് സംഘം തന്റെ ഉടമ എവിടെയെന്നായിരുന്നു തത്തയോട് ചോദിച്ചത്. ‘അമൃത് മല്ല എവിടെ പോയി ?, നിന്റെ ഉടമസ്ഥൻ എവിടെ, അവർ നിന്നെ വീട്ടിൽ തനിച്ചാക്കിയോ’ എന്നിങ്ങനെയാണ് തത്തയോട് എസ്ഐ കനയ്യ കുമാർ ചോദിക്കുന്നതെന്ന് ദൃശ്യങ്ങളിൽ വ്യക്തമാണ്. കുറച്ച് നേരം നിശ്ശബ്ദത പാലിച്ചെങ്കിലും തത്തയുടെ സംസാരം തിരിച്ചറിയാൻ സാധിക്കുമെന്നും ഇതുവഴി ഒളിവിൽ കഴിയുന്ന സംഘത്തലവനെക്കുറിച്ചും കുടുംബാംഗങ്ങളെക്കുറിച്ചും വിവരങ്ങൾ ലഭിക്കുമെന്ന് പ്രതീക്ഷിക്കുന്നതെന്ന് എസ്.ഐ. കനയ്യ കുമാർ പറഞ്ഞു.
Discussion about this post