വീടില്ലേ ? നേരെ ഇറ്റലിയിലേക്ക് വിട്ടോളൂ; മദ്ധ്യകാലഘട്ടത്തിലെ വിസ്മയങ്ങളായ മൊണാസ്ട്രികളും വീടുകളും സ്വന്തമാക്കാം

നാഗരികതയുടെ തിരക്കിൽ നിന്ന് മാറി പ്രകൃതിയോടിണങ്ങി ജീവിക്കാൻ ആഗ്രഹിക്കാത്തവരായി ആരും കാണില്ല. തിരക്കു പിടിച്ചുളള ഈ ജീവിതം മടുക്കുമ്പോൾ ദൂരെയെവിടെയെങ്കിലും വീട് വെച്ച് വാർധക്യം ആഘോഷമാക്കാമെന്ന് വിചാരിക്കുന്നവരാകും പലരും. അതിനായി ഇപ്പോൾ തന്നെ അത്തരം സ്ഥലങ്ങളിൽ വീട് വാങ്ങുന്നവരുമുണ്ട്. എന്നാൽ എവിടെ വീട് നിർമ്മിക്കുമെന്ന് ചിലർക്ക് ഇപ്പോഴുമറിയില്ല. അങ്ങനെയുള്ളവർക്കായി വിസ്മയങ്ങളൊരുക്കി കാത്തിരിക്കുകയാണ് ഇറ്റലി.

നൂറ്റാണ്ടുകൾ പഴക്കമുള്ള മൊണാസ്ട്രികൾ വാങ്ങാനുള്ള സുവർണ്ണാവസരം ഒരുക്കുകയാണ് ഇറ്റലി സർക്കാർ. ഇവിടെ താമസിക്കാൻ ക്രിസ്തീയ മതവിശ്വാസിയാകണമോ എന്നാണ് സംശയമെങ്കിൽ അതിന്റെ ആവശ്യമില്ല. ഏത് മതത്തിൽ വിശ്വസിക്കുന്നവർക്കും ഈ മൊണാസ്ട്രികൾ വാങ്ങാവുന്നതാണ്. 2 മില്യൺ യൂറോ (2.26 മില്യൺ ഡോളർ) ആണ് ഇതിന്റെ വില.

”എനിക്ക് 52 വയസായി ; ഇപ്പോഴും സ്വന്തമായി ഒരു വീട് പോലുമില്ല;” രാഹുൽ ഗാന്ധി

കത്തോലിക്കാ സഭയുടെ ആസ്ഥാനമെന്ന നിലയിൽ, എണ്ണമറ്റ കോൺവെന്റുകൾ, ആശ്രമങ്ങൾ, പള്ളികൾ, പുരോഹിതരുടെ ഭവനങ്ങൾ എന്നിവയാൽ നിറഞ്ഞിരിക്കുകയാണ് ഇറ്റലി. ഇവയിൽ പലതും മദ്ധ്യകാലഘട്ടത്തിലുള്ളതാണ്. പലപ്പോഴും, അവ വിൽപ്പന നടത്താറുണ്ട്. ചിലതിനാകട്ടെ മിലാനിലെയോ ഫ്‌ലോറൻസിലെയോ റിയൽ എസ്റ്റേറ്റ് അപ്പാർട്ട്‌മെന്റുകളേക്കാൾ കുറവായിരിക്കും വില.

അവകാശികളില്ലാത്ത സമ്പന്ന കുടുംബങ്ങൾ അവരുടെ സ്വത്തുക്കൾ പ്രാദേശിക പള്ളികൾക്ക് ദാനം ചെയ്യുകയാണ് പതിവ്. പിന്നീട് ഇവ സ്വകാര്യ വ്യക്തികൾക്ക് വിൽക്കും. ഈ മൊണാസ്ട്രികൾ തന്നെയാണ് വിദേശരാജ്യങ്ങളിൽ നിന്നെത്തുന്നവർക്കും വിൽക്കപ്പെടുന്നത്. അതുകൊണ്ട് തന്നെ ഇവിടെ അനേകം കോൺവെന്റുകളും മൊണാസ്ട്രികളും വിൽപ്പനയ്ക്കുണ്ട്. ഇനി വീടില്ലെന്ന് ആലോചിച്ച് വിഷമിച്ചിരിക്കുന്നവർക്ക് നേരെ ഇറ്റലിയിലേക്ക് പറക്കാം.