ലോകമാകെ അലയടിച്ച് ‘നാട്ടു നാട്ടു‘ തരംഗം; ചെങ്കോട്ടയ്ക്ക് സമീപം ചുവടുവെച്ച് ജർമൻ അംബാസഡറും സംഘവും (വീഡിയോ)

ന്യൂഡൽഹി: ഓസ്കർ പുരസ്കാര നിറവിൽ ലോകത്തെ നൃത്തം ചെയ്യിപ്പിച്ച് ആർ ആർ ആറിലെ ‘നാട്ടു നാട്ടു‘ ഗാനം. ഗാനത്തിനൊപ്പം ചുവടുവെക്കുന്ന ഇന്ത്യയിലെ ജർമൻ അംബസഡർ ഡോക്ടർ ഫിലിപ്പ് അക്കർമാന്റെയും സംഘത്തിന്റെയും വീഡിയോയാണ് ഇപ്പോൾ സാമൂഹിക മാദ്ധ്യമങ്ങളിൽ തരംഗമാകുന്നത്. ചെങ്കോട്ടയ്ക്ക് സമീപം ഫ്ലാഷ് മോബ് സംഘടിപ്പിച്ചാണ് ജർമൻ അംബാസഡറും സംഘവും നൃത്തം ചെയ്യുന്നത്.

ജർമ്മനിക്കാർക്ക് ഡാൻസ് ചെയ്യാൻ അറിയില്ലെന്നാണോ? ഞാനും എന്റെ ടീമും ‘നാട്ടു നാട്ടുവിന്റെ‘ ഓസ്കർ നേട്ടം ആഘോഷിക്കുന്നു എന്ന തലക്കെട്ടോടെ ഡോക്ടർ അക്കർമാൻ തന്നെയാണ് വീഡിയോ സാമൂഹിക മാദ്ധ്യമങ്ങളിൽ പങ്കുവെച്ചിരിക്കുന്നത്. ആർ ആർ ആർ സിനിമയെയും അദ്ദേഹം ട്വീറ്റിൽ പ്രശംസിച്ചിട്ടുണ്ട്. ‘അടുത്തത് ആര്?‘ എന്ന ഓപ്പൺ ചലഞ്ചും അദ്ദേഹം നടത്തുന്നുണ്ട്. ജർമ്മൻ സംഘത്തിന്റെ നൃത്തം കണ്ട് ആവേശഭരിതരാകുന്ന ആൾക്കൂട്ടത്തെയും വീഡിയോയിൽ കാണാം.

Germans can't dance? Me & my Indo-German team celebrated #NaatuNaatu’s victory at #Oscar95 in Old Delhi. Ok, far from perfect. But fun!

Thanks @rokEmbIndia for inspiring us. Congratulations & welcome back @alwaysRamCharan & @RRRMovie team! #embassychallange is open. Who's next? pic.twitter.com/uthQq9Ez3V

— Dr Philipp Ackermann (@AmbAckermann) March 18, 2023

ഓസ്കർ പുരസ്കാരം നേടുന്ന ആദ്യ തെലുങ്ക് ഗാനമാണ് എസ് എസ് രാജമൗലി സംവിധാനം ചെയ്ത ആർ ആർ ആറിലെ നാട്ടു നാട്ടു. കീരവാണി സംഗീതം നിർവഹിച്ച ഈ ഗാനം റിയാനയെയും ലേഡി ഗാഗയെയും ഒക്കെ പിന്തള്ളിയാണ് അക്കാഡമി പുരസ്കാരം നേടിയത്.