കൊൽക്കത്ത: പശ്ചിമ ബംഗാളിൽ ദേശീയ ഗാനത്തെ അവഹേളിച്ച് പെൺകുട്ടികൾ. സംഭവത്തിൽ ഇർക്കെതിരെ പോലീസ് കേസ് എടുത്തു. സിഗരറ്റ് വലിച്ചുകൊണ്ട് തെറ്റായി ആലപിച്ചായിരുന്നു ഇവർ ദേശീയ ഗാനത്തെ അവഹേളിച്ചത്.
കഴിഞ്ഞ ദിവസമായിരുന്നു സംഭവം. രണ്ട് പെൺകുട്ടികൾ ചേർന്നാണ് സിഗരറ്റ് വലിച്ചുകൊണ്ട് ദേശീയ ഗാനം തെറ്റായി ആലപിച്ചത്. തുടർന്ന് ഈ വീഡിയോ സമൂഹമാദ്ധ്യമത്തിൽ ഇവർ തന്നെ പങ്കുവയ്ക്കുകയും ചെയ്തിരുന്നു. ഇത് വ്യാപകമായി പ്രചരിച്ചതോടെ ഇവർക്കെതിരെ പരാതി ഉയരുകയായിരുന്നു.
കൊൽക്കത്ത ഹൈക്കോടതി അഭിഭാഷകൻ ഉൾപ്പെടെയാണ് ഇവർക്കെതിരെ രംഗത്ത് വന്നത്. ഇതോടെ കൊൽക്കത്ത പോലീസ് സൈബർ സെല്ലാണ് കേസ് എടുത്തത്. സംഭവത്തിൽ ഊർജ്ജിത അന്വേഷണം ആരംഭിച്ചതായി പോലീസ് അറിയിച്ചു.
പെൺകുട്ടികളുടെ സമൂഹമാദ്ധ്യമ അക്കൗണ്ടുകൾ കേന്ദ്രീകരിച്ചാണ് അന്വേഷണം നടത്തുന്നത് എന്നാണ് പോലീസ് പറയുന്നത്. പന്ത്രണ്ടാം ക്ലാസ് വിദ്യാർത്ഥിനികളാണ് ഇവരെന്നാണ് ലഭിച്ചിരിക്കുന്ന വിവരം. അധികം വൈകാതെ തന്നെ ഇവരെ പിടികൂടും. ഇവർക്കെതിരെ നിയമപ്രകാരം കർശന നടപടി സ്വീകരിക്കുമെന്നും പോലീസ് വ്യക്തമാക്കി.
35 സെക്കന്റ് ദൈർഘ്യമുള്ള വീഡിയോ ആണ് പ്രചരിക്കുന്നത്. രണ്ട് പെൺകുട്ടികൾ ഒരാളാണ് ദേശീയ ഗാനം ആലപിക്കുന്നത്. തുടക്കം മുതൽ തന്നെ തെറ്റായാണ് പാടുന്നത്. രണ്ട് പേരും ചിരിക്കുന്നുമുണ്ട്. ഇതിനിടെ പാടുന്ന പെൺകുട്ടി കയ്യിൽ സിഗരറ്റ് എടുക്കുന്നു. ഇത് കണ്ട് മറ്റേ പെൺകുട്ടി ചിരിക്കുകയും കയ്യിൽ നിന്നും വാങ്ങി പരിഹസിക്കുന്നതും വീഡിയോയിൽ കാണാം.
Discussion about this post