ന്യൂഡൽഹി: പൂജിച്ച ചരട് ധരിച്ചുവന്ന വിദ്യാർത്ഥിയെ മർദ്ദിച്ച് അവശനാക്കി അദ്ധ്യാപകൻ. ഝാർഖണ്ഡിലാണ് സംഭവം. സ്കൂളിലേക്ക് കലാവ ധരിച്ചുവന്ന 9 ാം ക്ലാസുകാരനാണ് ദാരുണാനുഭവം ഉണ്ടായത്. ഝാർഖണ്ഡിലെ ബൊക്കാറോ തെർമലിൽ സ്ഥിതി ചെയ്യുന്ന ഹിന്ദി മീഡിയം, കാർമൽ ഹൈസ്കൂൾ എന്ന സർക്കാർ-എയ്ഡഡ് മിഷനറി സ്കൂളിലാണ് സംഭവം .
സംഭവദിവസം കരൺ താക്കൂർ എന്ന വിദ്യാർത്ഥി കൈത്തണ്ടയിൽ കലവ ധരിച്ച് സ്കൂളിലെത്തി. ഇയാളുടെ ക്ലാസ് മുറിയിലെ മോണിറ്റർ അദ്ധ്യാപകനോട് ഇതേക്കുറിച്ച് പരാതിപ്പെട്ടു. ടീച്ചർ കരണിനെ ശകാരിക്കുകയും ചരട് അഴിച്ചുമാറ്റാൻ ആവശ്യപ്പെടുകയും ചെയ്തു. ചരട് ധരിക്കുന്നത് സ്കൂളിൽ നിഷിദ്ധമാണെന്ന് അയാൾ വിദ്യാർത്ഥിയോട് പറഞ്ഞു.
എന്നാൽ ഇത് തന്റെ വിശ്വാസത്തിന്റെ പ്രശ്നമാണെന്ന് പറഞ്ഞ് ചരട് അഴിക്കാൻ വിദ്യാർത്ഥി വിസമ്മതിച്ചു. പ്രകോപിതനായ അദ്ധ്യാപിക ക്ലാസിന് മുന്നിൽ വെച്ച് മർദിക്കുകയും അപമാനിക്കുകയും ചെയ്തു. വിദ്യാർത്ഥിയെ മാനസിക സമ്മർദത്തിലാക്കിയ ഇയാൾ കരയാൻ തുടങ്ങുകയും മനസ്സില്ലാമനസ്സോടെ കൈത്തണ്ടയിൽ കെട്ടിയിരുന്ന ചരട് ബ്ലേഡ് ഉപയോഗിച്ച് മുറിക്കുകയും ചെയ്തു. അദ്ധ്യാപകൻ വിദ്യാർത്ഥിയെ ശാസിക്കുകയും പിതാവിനെ അടുത്ത ദിവസം സ്കൂളിൽ എത്തിക്കാൻ ആവശ്യപ്പെടുകയും ചെയ്തു. സംഭവമറിഞ്ഞ രക്ഷിതാക്കൾ ഹിന്ദുസംഘടനകളോടൊപ്പമെത്തി പ്രതിഷേധിക്കുകയായിരുന്നു.
