നടിപ്പിൻ നായകൻ സൂര്യയുടെ നായികയായി മലയാളികളുടെ പ്രിയതാരം നസ്രിയ എത്തുന്നു. സുരറൈ പോട്ര് എന്ന ഹിറ്റ് ചിത്രത്തിന് ശേഷം ദേശീയ അവാർഡ് ജേതാക്കളായ സൂര്യയും സുധ കൊങ്കരയും വീണ്ടുമൊന്നിക്കുന്ന ചിത്രം കൂടിയാണിത്. യൂത്ത് ഐക്കൺ ദുൽഖർ സൽമാനും ചിത്രത്തിൽ പ്രധാന വേഷത്തിൽ എത്തുന്നുണ്ടെന്നാണ് റിപ്പോർട്ടുകൾ.
ഇതൊരു ബയോപിക് അല്ലെന്നും ബിഗ് ബഡ്ജറ്റ് ചിത്രമാണെന്നും സുധ കൊങ്കര പറയുന്നു. ഇതുവരെ പേരിടാത്ത ചിത്രത്തിന് സൂര്യ43 എന്നാണ് ടാഗ് ലൈൻ കൊടുത്തിരിക്കുന്നത്. ചിത്രത്തെ കുറിച്ചുള്ള ഔദ്യോഗിക പ്രഖ്യാപനം ഇതുവരെ ഉണ്ടായിട്ടില്ല.
സുധ കൊങ്കരയ്‌ക്കൊപ്പം സംവിധായകൻ നളൻ കുമാരസ്വാമിയും തിരക്കഥയിൽ പങ്കാളിയാകുന്നുണ്ട്. ജി. വി പ്രകാശ്കുമാറാണ് ചിത്രത്തിന് സംഗീതമൊരുക്കുന്നത്. സൂര്യയുടെ നിർമ്മാണ കമ്പനിയായ 2ഡി എന്റെർടൈൻമെന്റ് ആണ് ചിത്രത്തിൻറെ നിർമ്മാതാക്കൾ
Discussion about this post