പാലക്കാട് : ഇരട്ട കൊലപാതകത്തില് ഞെട്ടി പാലക്കാട്. രണ്ട് യുവാക്കളുടെ മൃതദേഹങ്ങളാണ് പാടത്ത് കുഴിച്ചിട്ട നിലയില് കണ്ടെത്തിയത്. പാലക്കാട് കൊടുമ്പ് പഞ്ചായത്തിലെ കരിങ്കരപ്പുള്ളി അമ്പലപ്പറമ്പ് ലക്ഷം വീട് കോളനിയിലാണു മൃതദേഹങ്ങള് കുഴിച്ചിട്ടത്.
നാളെ തഹസില്ദാരുടെ സാന്നിധ്യത്തിലാകും ഇവ പുറത്തെടുക്കുക. അതിനാല് മൃതദേഹങ്ങള് ആരുടേതാണെന്നു സ്ഥിരീകരിക്കാന് പൊലീസിന് സാധിച്ചിട്ടില്ല. നേരത്തെ വെനേലി ഭാഗത്ത് അടിപിടിക്കേസുമായി ബന്ധപ്പെട്ട് 4 യുവാക്കള്ക്കെതിരെ പൊലീസ് കേസെടുത്തിരുന്നു.
ഇവരില് 2 പേരുടെ മൃതദേഹമാണോ കിട്ടിയതെന്നാണു സംശയം. മറ്റുള്ള രണ്ടു പേരുടെ മൊഴികളുടെ അടിസ്ഥാനത്തില് പരിശോധിച്ചപ്പോഴാണ് ഇന്നു വൈകിട്ട് 5 മണിയോടെ മൃതദേഹങ്ങള് കണ്ടെത്തിയത്. നിലവില് പ്രദേശം പൊലീസ് കാവലിലാണ്.
Discussion about this post