സഞ്ചാരികൾക്ക് ഏറെ ആവേശം പകരുന്ന ഒരു വാർത്തയാണ് ഇപ്പോൾ എയർ ഇന്ത്യയിൽ നിന്നും പുറത്തു വരുന്നത്. കൊൽക്കത്തയിൽ നിന്നും ബാങ്കോക്കിലേക്ക് നോൺ സ്റ്റോപ്പ് വിമാനയാത്ര അവതരിപ്പിക്കുകയാണ് എയർ ഇന്ത്യ. ഒക്ടോബർ 23 മുതൽ ഈ പുതിയ വിമാനം സർവീസ് ആരംഭിക്കുമെന്ന് എയർ ഇന്ത്യ ഔദ്യോഗികമായി അറിയിച്ചു.
കൊൽക്കത്തയിൽ നിന്നും രാത്രി 10 മണിക്ക് പുറപ്പെടുന്ന വിമാനം 02:05 am ന് ബാങ്കോക്കിൽ എത്തിച്ചേരുന്ന വിധത്തിലാണ് പുതിയ വിമാന സർവീസിന്റെ സമയം ക്രമീകരിച്ചിരിക്കുന്നത്. എയർ ഇന്ത്യയുടെ AI322 വിമാനമാണ് കൊൽക്കത്തയിൽ നിന്നും ബാങ്കോക്കിലേക്ക് പുറപ്പെടുന്നത്. ബാങ്കോക്കിൽ നിന്ന് കൊൽക്കത്തയിലേക്ക് എത്താനുള്ള AI321 വിമാനം പുലർച്ചെ 3.05 ന് ആണ് പുറപ്പെടുന്നത്.
ഇക്കോണമി, ബിസിനസ് ക്ലാസുകളിൽ യാത്ര ലഭ്യമായിട്ടുള്ള ഈ പുതിയ വിമാന സർവീസ് തിങ്കൾ മുതൽ ശനി വരെ ആറ് ദിവസങ്ങളിൽ ആയിട്ടായിരിക്കും പ്രവർത്തിക്കുക. രണ്ട് നഗരങ്ങളിലെയും വിനോദസഞ്ചാരത്തിനും വ്യാപാരത്തിനും പ്രോത്സാഹനം നൽകുന്നതിനായാണ് ഇത്തരമൊരു പുതിയ സർവീസ് എയർ ഇന്ത്യ ആരംഭിക്കുന്നത്.
Discussion about this post