ഡൽഹി : ദക്ഷിണ ഡൽഹിയിൽ വീടിനുള്ളിൽ നിന്നും യുവതിയുടെ അഴുകിയ മൃതദേഹം കണ്ടെത്തി. ദുർഗന്ധം വമിച്ചതിനെ തുടർന്ന് അയൽവാസികൾ പോലീസിനെ വിവരം അറിയിക്കുകയായിരുന്നു. ഈ യുവതിയെ കാണാനില്ലെന്ന് കാണിച്ചു രണ്ടാഴ്ച മുൻപ് തന്നെ വീട്ടുടമസ്ഥൻ പോലീസിൽ പരാതി നൽകിയിരുന്നു.
കൈലാഷ് ഈസ്റ്റ് നിവാസിയായ 30 കാരിയായ സാനിയ റായിയെ ആണ് വീടിനുള്ളിൽ മരണപ്പെട്ട നിലയിൽ കണ്ടെത്തിയത്. ദക്ഷിണ ഡൽഹിയിലെ മാളവ്യയിൽ വാടകയ്ക്ക് താമസിക്കുകയായിരുന്നു ഇവർ. കഴിഞ്ഞ വർഷമാണ് സാനിയ മാളവ്യ നഗർ അപ്പാർട്ട്മെന്റിലേക്ക് താമസം മാറിയിരുന്നത്.
യുവതിയുടെ മൃതദേഹം കണ്ടെത്തിയതിനെത്തുടർന്ന് ഉന്നത പോലീസ് ഉദ്യോഗസ്ഥരും ഫോറൻസിക് വിദഗ്ധരും സ്ഥലത്തെത്തി പരിശോധന നടത്തി. മൃതദേഹം അഴുകി തുടങ്ങിയിരിക്കുന്നതിനാൽ ശരീരത്തിൽ മുറിവുകളോ വിരലടയാളങ്ങളോ കണ്ടെത്താനായില്ല. പരിശോധനകൾക്ക് ശേഷം യുവതിയുടെ മൃതദേഹം ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിലേക്ക് പോസ്റ്റ്മോർട്ടത്തിനായി അയച്ചിരിക്കുകയാണ്.
Discussion about this post