പത്തനംതിട്ട : ഗവർണർ നിലതെറ്റിയ മനുഷ്യനാണെന്ന് മുഖ്യമന്ത്രി പിണറായി വിജയൻ. ഗവർണറെ ഇങ്ങനെ കയർ ഊരി വിടുന്നവർ ശ്രദ്ധിച്ചാൽ നല്ലതാണെന്നും പിണറായി വിജയൻ അഭിപ്രായപ്പെട്ടു. എന്തും വിളിച്ചുപറഞ്ഞുകൊണ്ട് കേരളത്തെ അപമാനിക്കാം എന്നാണ് ഗവർണർ കരുതുന്നതെന്നും മുഖ്യമന്ത്രി വ്യക്തമാക്കി.
ഗവർണറുടെ ബ്ലഡി കണ്ണൂർ പരാമർശത്തിനോട് രൂക്ഷമായ ഭാഷയിലാണ് പിണറായി വിജയൻ പ്രതികരിച്ചത്. കണ്ണൂരിനെ കുറിച്ച് ഗവർണർക്ക് എന്തറിയാം എന്ന് മുഖ്യമന്ത്രി ചോദിച്ചു. രക്തസാക്ഷികളുടെ നാടാണ് കണ്ണൂരെന്നും അദ്ദേഹം വ്യക്തമാക്കി. ഞാൻ ഈ സ്ഥാനത്ത് ഇരിക്കുന്നതുകൊണ്ട് ഇപ്പോൾ ഇത്രയേ പറയുന്നുള്ളൂ, കൂടുതൽ പറയുന്നില്ല എന്നും പിണറായി വിജയൻ രൂക്ഷമായി പ്രതികരിച്ചു.
“ഗവർണർ വാഹനത്തിൽ നിന്നും ഇറങ്ങിയപ്പോൾ എസ്എഫ്ഐ പ്രവർത്തകർ ഓടിപ്പോയി എന്നാണ് അദ്ദേഹം പറയുന്നത്. കുട്ടികൾ അടുത്ത് വന്നാൽ നിങ്ങൾ എന്തു ചെയ്യുമെന്നാണ് പറയുന്നത്? ഈ നില തെറ്റിയ മനുഷ്യനെ കയർ ഊരിവിടുന്നത് നല്ലതല്ല എന്ന് കേന്ദ്രസർക്കാർ മനസ്സിലാക്കണം” എന്നും പിണറായി വിജയൻ വെല്ലുവിളിച്ചു.
Discussion about this post