എറണാകുളം : യാത്രക്കാരുടെ എണ്ണത്തിൽ പുതിയ ചരിത്രം സൃഷ്ടിച്ച് കൊച്ചി അന്താരാഷ്ട്ര വിമാനത്താവളം. ഈ വർഷം ഒരു കോടിയിലധികം യാത്രക്കാരാണ് ഇതുവരെയായി കൊച്ചി വിമാനത്താവളം വഴി സഞ്ചരിച്ചിട്ടുള്ളത്. വ്യാഴാഴ്ച വൈകുന്നേരം ബാംഗ്ലൂരിലേക്കുള്ള ഇന്ഡിഗോ വിമാനത്തില് 173 യാത്രക്കാര് പറന്നതോടെയാണ് വര്ഷം അവസാനിക്കാന് 11 ദിവസം ബാക്കിയിരിക്കെ ഒരു കോടി യാത്രക്കാരെ തികച്ച് സിയാല് റെക്കോർഡ് നേട്ടം കരസ്ഥമാക്കിയത്.
പ്രതിവര്ഷം ഒരു കോടി യാത്രക്കാര് ഉപയോഗിക്കുന്ന കേരളത്തിലെ ഒരേയൊരു വിമാനത്താവളവും ദക്ഷിണേന്ത്യയിലെ നാലാമത്തെ വിമാനത്താവളവുമാണ് കൊച്ചി അന്താരാഷ്ട്ര വിമാനത്താവളം.
സംസ്ഥാനത്തെ മൊത്തം വിമാനയാത്രക്കാരുടെ 63.50 ശതമാനവും കൈകാര്യം ചെയ്യുന്നത് സിയാലാണ്.
മുന്വര്ഷത്തെ അപേക്ഷിച്ച് യാത്രക്കാരുടെ എണ്ണത്തില് 20 ലക്ഷത്തിലധികം പേരുടെ വര്ദ്ധനവാണ് സിയാല് രേഖപ്പെടുത്തിയിട്ടുള്ളത്.
ഈ വര്ഷം ഇതുവരെ കൊച്ചി അന്താരാഷ്ട്ര വിമാനത്താവളത്തിലൂടെ പറന്ന ഒരുകോടി യാത്രക്കാരില് 54.04 ലക്ഷം പേർ ആഭ്യന്തര യാത്രക്കാരും 46.01 ലക്ഷം പേര് രാജ്യാന്തര യാത്രക്കാരുമാണ്. മൊത്തം 66,540 വിമാനങ്ങളാണ് ഇക്കാലയളവില് സര്വീസ് നടത്തിയത്.
