അയോദ്ധ്യ:അയോദ്ധ്യ സന്ദര്ശനത്തിനിടെ ഉജ്ജ്വല യോജന പദ്ധതിയില് പത്തുകോടി തികച്ച ഗുണഭോക്താവിന്റെ വീട് സന്ദര്ശിച്ച് പ്രധാനമന്ത്രി നരേന്ദ്ര മോദി . മീര മാഞ്ചിയുടെ വീടാണ് പ്രധാനമന്ത്രി സന്ദര്ശിച്ചത്. അവരുടെ കുടുംബാംഗങ്ങളുമായി സംവദിക്കുകയും ചായകുടിച്ച് ക്ഷേമാന്വേഷണം നടത്തുകയും ചെയ്തു
അയോധ്യയിലെ തെരുവുകളില് വന്ജനക്കൂട്ടം ആണ് മോദിയെ വരവേറ്റത്.കുട്ടികളോടൊപ്പം സെല്ഫി എടുക്കാനും സംസാരിക്കാനും ഓട്ടോഗ്രാഫ് നല്കാനും പ്രധാനമന്ത്രി സമയം കണ്ടെത്തി. കൂടാതെ ഒരു ആണ്കുട്ടി കാണിച്ചുതന്ന പെയിറ്റിംഗില് ഒപ്പിടുകയും ചെയ്തു.
പ്രധാനമന്ത്രി മോദി നവീകരിച്ച് അയോദ്ധ്യ റെയില്വേ സ്റ്റേഷന് ഉദ്ഘാടനം ചെയ്യുകയും രണ്ട് അമൃത് ഭാരത്, ആറ് വന്ദേ ഭാരത് ട്രെയിനുകള് ഫ്ലാഗ് ഓഫ് ചെയ്യുകയും ചെയ്തു,
വിമാനത്താവളത്തിന്റെ ഉദ്ഘാടനവും നിര്വഹിച്ചു.യുപി മുഖ്യമന്ത്രി യോഗി ആദിത്യനാഥ്, റെയില്വേ മന്ത്രി അശ്വിനി വൈഷ്ണവ് എന്നിവരും അദ്ദേഹത്തോടൊപ്പമുണ്ടായിരുന്നു.നവീകരിച്ച സ്റ്റേഷന്റെ ഒന്നാം ഘട്ടം — അയോധ്യ ധാം ജംഗ്ഷന് റെയില്വേ സ്റ്റേഷന് — 240 കോടിയിലധികം രൂപ ചിലവില് പൂര്ത്തിയായതായി അധികൃതര് അറിയിച്ചു.15,700 കോടി രൂപയുടെ വികസന പദ്ധതികളാണ് പ്രധാനമന്ത്രി ഇന്ന് രാജ്യത്തിന് സമര്പ്പിക്കുന്നത്
മൂന്ന് നിലകളുള്ള റെയില്വേ സ്റ്റേഷന് കെട്ടിടത്തില് ലിഫ്റ്റുകള്, എസ്കലേറ്ററുകള്, ഫുഡ് പ്ലാസകള്, പൂജ ആവശ്യങ്ങള്ക്കുള്ള കടകള്, ക്ലോക്ക് റൂമുകള്, ശിശു സംരക്ഷണ മുറികള്, വെയിറ്റിംഗ് ഹാളുകള് തുടങ്ങിയ സവിശേഷതകളുണ്ട്. 1440 കോടിയിലധികം രൂപ ചിലവഴിച്ചാണ് അത്യാധുനീക സൗകര്യങ്ങളുളള വിമാനത്താവളത്തിന്റെ ഒന്നാം ഘട്ടം വികസിപ്പിച്ചിരിക്കുന്നത്. 6,500 ചതുരശ്രമീറ്റര് വിസ്തൃതിയിലാണ് വിമാനത്താവളത്തിന്റെ ടെര്മിനല് നിര്മാണം . പ്രതിവര്ഷം പത്ത് ലക്ഷത്തോളം യാത്രക്കാരെ വഹിക്കാനുള്ള ശേഷി ടെര്മിനലിനുണ്ട്.രാമക്ഷേത്രത്തിന്റെ പ്രതിഷ്ഠാ ചടങ്ങിന് മുന്നോടിയായാണ് പ്രധാനമന്ത്രിയുടെ ഈ സന്ദര്ശനം.
Discussion about this post