ന്യൂഡൽഹി: വസീരാാബാദിലെ ഡൽഹി പോലീസ് ട്രെയ്നിംഗ് സ്കൂളിൽ വൻ തീപിടുത്തം. യാർഡിൽ നിർത്തിയിട്ടിരുന്ന 450 വാഹനങ്ങൾ കത്തിനശിച്ചു. പുലർച്ചെ 12.16 ഓടെയാണ് സംഭവം. എട്ടോളം ഫയർഫോഴസ് സംഘങ്ങൾ ചേർന്നാണ് തീയണച്ചത്.
250 ഇരുചക്ര വാഹനങ്ങൾ കത്തിനശിച്ചു. ഇരുനൂറോളം ഫോർ വീലറുകളും കത്തി നശിച്ചിട്ടുണ്ട്. പഴയ വാഹനങ്ങൾ സൂക്ഷിച്ചിരുന്ന പോലീസ് ട്രെയ്നിംഗ് സ്കൂളിന്റെ സ്റ്റോറേജ് സ്ഥലത്താണ് തീപിടിച്ചത്.
തീപിടുത്തത്തിന്റെ കാരണം ഇപ്പോഴും വ്യക്തമല്ല. സംഭവത്തെ കുറിച്ച് പോലീസ് അന്വേഷണം ആരംഭിച്ചു. ആളപായമൊന്നും റിപ്പോർട്ട് ചെയ്യപ്പെട്ടിട്ടില്ല.
