പറ്റ്ന: ബിഹാറിൽ വിശ്വാസം നേടി മുഖ്യമന്ത്രി നിതീഷ് കുമാറിന്റെ നേതൃത്വത്തിലുള്ള എൻഡിഎ സർക്കാർ. 129 എംഎൽഎമാരുടെ പിന്തുണയോടെയാണ് എൻഡിഎ സർക്കാർ അധികാരം ഉറപ്പിച്ചത്. ഇതോടെ പ്രതിപക്ഷം സഭയിൽ നിന്നും ഇറങ്ങിപോയി.
പ്രതിപക്ഷത്തിന്റെ പ്രതീക്ഷകൾ തെറ്റിച്ച് മുഴുവൻ എംഎൽഎമാരും പിന്തുണ നൽകി. സഖ്യത്തിൽ 127 എംഎൽഎമാരാണ് ഉള്ളത്. 122 എംഎൽഎമാരുടെ പിന്തുണയായിരുന്നു അധികാരം ഉറപ്പിക്കാൻ എൻഡിഎ സർക്കാരിന് വേണ്ടിയിരുന്നത്. നിയമസഭയിൽ നടപടിക്രമങ്ങൾ ആരംഭിച്ചതിന് പിന്നാലെ ആർജെഡിയിൽ നിന്നുള്ള മൂന്ന് എംഎൽഎമാർ എൻഡിഎയ്ക്ക് ഒപ്പം ചേർന്നിരുന്നു. ഇതോടെയാണ് 129 വോട്ടുകൾ നേടിയത്.
വിശ്വാസ വോട്ട് നേടിയതിന് പിന്നാലെ മുഖ്യമന്ത്രി സഭയെ അഭിസംബോധന ചെയ്തു. കഴിഞ്ഞ മൂന്ന് വർഷക്കാലമായി മഹാഗഡ്ബന്ധൻ സഖ്യം വലിയ അഴിമതിയാണ് നടത്തിവരുന്നത് എന്ന് അദ്ദേഹം പറഞ്ഞു. ഇതിൽ പുതിയ സർക്കാർ അന്വേഷണം നടത്തും. ഇതിനായുള്ള നടപടികൾ ഉടൻ ആരംഭിക്കുമെന്നും അദ്ദേഹം വ്യക്തമാക്കി.
Discussion about this post