ന്യൂഡൽഹി: മദ്യനയ അഴിമതി കേസിൽ ഇഡിയുടെ നടപടി തുടരുന്നതിനിടെ കേന്ദ്രസർക്കാരിനെ പഴിച്ച് ഡൽഹി മുഖ്യമന്ത്രി അരവിന്ദ് കെജ്രിവാൾ. ഡൽഹി സർക്കാരിനെ താഴെയിറക്കാനുള്ള ശ്രമമാണ് വിവിധ കേന്ദ്ര ഏജൻസികളെ ഉപയോഗിച്ച് ബിജെപി സർക്കാർ ചെയ്യുന്നത് എന്ന് കെജ്രിവാൾ പറഞ്ഞു. ഡൽഹി നിയമസഭയിലെ ബജറ്റ് സമ്മേളനത്തിൽ സംസാരിക്കുകയായിരുന്നു കെജ്രിവാൾ.
ബിജെപി ആംആദ്മി സർക്കാരിനെ അട്ടിമറിച്ച് ഭരണം നേടാനുള്ള ശ്രമമാണ് തുടരുന്നത്. നശിപ്പിച്ച് നേടൽ എന്ന മാതൃകയാണ് സർക്കാർ ഇപ്പോൾ സ്വീകരിക്കുന്നത്. ഡൽഹി സർക്കാരിന്റെ വികസന മാതൃകയ്ക്ക് എതിരാണ് ഇത്. ശ്രീരാമൻ ഇന്നത്തെ കാലഘട്ടത്തിൽ ജീവിച്ചിരുന്നു എങ്കിൽ രാമനും ഇഡി നോട്ടീസ് അയച്ചേനെ. രാമനെതിരെ സിബിഐ അന്വേഷണം നടത്തിയേനെയെന്നും കെജ്രിവാൾ പറഞ്ഞു.
കഴിഞ്ഞ ദിവസം മദ്യനയ അഴിമതിയുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ നേരിട്ട് ഹാജരാകാൻ കോടതി കെജ്രിവാളിനോട് നിർദ്ദേശിച്ചിരുന്നു. ഇതിന് പിന്നാലെയാണ് ബിജെപിയ്ക്കെതിരെ ആരോപണവുമായി കെജ്രിവാൾ രംഗത്ത് എത്തിയത്.
Discussion about this post