റായ്പൂർ:ഛത്തീസ്ഗഡിൽ ഉണ്ടായ ഏറ്റുമുട്ടലിൽ കമ്യൂണിസ്റ്റ് ഭീകരനെ വധിച്ച് സുരക്ഷാ സേന. സംഭവസ്ഥലത്ത് നിന്ന് തോക്ക് ഉൾപ്പെടെയുള്ള മാരകായുധങ്ങളും സുരക്ഷാ സേന പിടിച്ചെടുത്തു. ദന്ത്വാഡ ജില്ലയിലാണ് സംഭവം.
പുറംഗൽ പീഡിയ വനത്തിലായിരുന്നു ഏറ്റുമുട്ടൽ. ഡിആർജി ജവാൻമാരും ഭീകരരും തമ്മിൽ ഉണ്ടായ ഏറ്റുമുട്ടലിലാണ് കമ്യൂണിസ്റ്റ് ഭീകരൻ കൊല്ലപ്പെട്ടത് . രഹസ്യ വിവരത്തിന്റെ അടിസ്ഥാനത്തിലാണ് ഡിആർജി വനത്തിൽ പരിശോധന നടത്തിയത്. ഉദ്യോഗസ്ഥരെ കണ്ടത്തോടെ കമ്യൂണിസ്റ്റ് ഭീകരർ വെടിയുതിർക്കുകയായിരുന്നു എന്ന് പോലീസ് പറഞ്ഞു. ഇതിൽ സുരക്ഷ സേന തിരിച്ചടിച്ചപ്പോഴാണ് ഭീകരർ കൊല്ലപ്പെട്ടത്.
കമ്യൂണിസ്റ്റ് ഭീകരന്റെ മൃതദേഹം കണ്ടെടുത്തു. മറ്റ് നിരവധി ഭീകരർക്കും പരിക്കേറ്റിട്ടുണ്ട്. സംഭവത്തെ തുടർന്ന് പ്രദേശത്ത് കൂടുതൽ തിരച്ചിൽ നടക്കുകയാണെന്നും എസ്പി അറിയിച്ചു.കഴിഞ്ഞ ആഴ്ച കാങ്കർ ജില്ലയിലുണ്ടായ ഏറ്റുമുട്ടലിൽ ഒരു പോലീസ് കോൺസ്റ്റബിളും കമ്യൂണിസ്റ്റ് ഭീകരനും കൊല്ലപ്പെട്ടിരുന്നു. കാങ്കേഴ്സ് ഹിദൂർ ഗ്രാമത്തിന് സമീപമുള്ള വനത്തിലാണ് ഏറ്റുമുട്ടൽ നടന്നത്.
Discussion about this post