കുത്തനെ ഉയർന്നു; ഇന്നൊരൽപ്പം താഴ്ന്നുട്ടോ…; സ്വർണവിലയിൽ കുറവ്

തിരുവനന്തപുരം : കുത്തനെ ഉയർന്നതിന് പിന്നാലെ അൽപ്പം താഴ്ന്ന് സ്വർണ വില. ഗ്രാമിന് 70 രൂപയുടെ കുറവാണ് ഇന്നുണ്ടായത്. ഇതോടെ സംസ്ഥാനത്ത് ഒരു ഗ്രാം സ്വർണത്തിന് വില 6 ,650 രൂപയായി. ഇന്നലെ സർവ്വകാല റൊക്കോർഡിൽ എത്തിയ സ്വർണവിലാണ് നേരിയ കുറവ് ഉണ്ടായത്.

പവന് 560 രൂപയുടെ കുറവാണ് ഉണ്ടായിരിക്കുന്നത്. ഒരു പവന് സ്വർണത്തിന്റെ ഇന്നത്തെ വിപണി വില 53,200 രൂപയാണ് . ഇന്നലെയും സ്വർണത്തിന് വില വർദ്ധിച്ചിരുന്നു. ഒരു പവന് ഇന്നലെ 53, 760 രൂപയായിരുന്നു വില. വെള്ളി വിലയും കുറഞ്ഞു. ഒരു ഗ്രാം സാധാരണ വെള്ളിയുടെ വില 89 രൂപയാണ്. ഒരു ഗ്രാം ഹാൾമാർക്ക് വെള്ളിയുടെ വില 103 രൂപയുമാണ്.

യുഎസ് ഇന്റലിജൻസ് റിപ്പോർട്ട് പ്രകാരം എപ്പോൾ വേണമെങ്കിലും ഇസ്രായേലിനെതിരെ ഇറാൻ ആക്രമണം നടത്തുമെന്ന് പ്രതീക്ഷിക്കുന്നതിനാൽ ഇന്നലെ അന്താരാഷ്ട്ര സ്വർണവില 2400 ഡോളർ കടന്നിരുന്നു. തുടർന്ന്, സ്വർണ്ണവില സാങ്കേതികമായ തിരുത്തൽ നടത്തിയിട്ടുണ്ട്. 80 ഡോളർ കുറഞ്ഞ് 2343 ഡോളറിലേക്ക് എത്തി. ഇതാണ് സംസ്ഥാനത്തെ വില കുറയാൻ കാരണമായത്.