![data":[],"source_tags":[],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{},"is_sticker":false,"edited_since_last_sticker_save":false,"containsFTESticker":false}](https://braveindianews.com/wp-content/uploads/2024/05/psx_20240521_173319-jpg.webp)
ലണ്ടൻ : ഇംഗ്ലണ്ട്-വെയിൽസ് അതിർത്തിക്ക് സമീപത്ത് ഒരു പ്രശസ്തനായ എന്റമോളജിസ്റ്റ് ഉണ്ട്. വളരെ വ്യത്യസ്തമായ ജീവിതത്തിന്റെ പേരിലാണ് ഇദ്ദേഹം പ്രശസ്തനാവുന്നത്. കഴിഞ്ഞ 20 വർഷമായി ഇദ്ദേഹം മൂട്ടകളെ കുറിച്ചുള്ള ഗവേഷണത്തിലാണ്. അഞ്ചുവർഷത്തോളമായി ഉറക്കവും മൂട്ടകൾ നിറഞ്ഞ കിടക്കയിലും ആണ്. ഈ ജീവിതശൈലി കൊണ്ടാണ് ഡോ. റിച്ചാർഡ് നൈലർ ആഗോളതലത്തിൽ തന്നെ ശ്രദ്ധ നേടുന്നത്.
പെസ്റ്റ് ബഗ് ഫൗണ്ടേഷൻ എന്ന സ്ഥാപനത്തിലൂടെയാണ് ഇദ്ദേഹത്തിന്റെ മൂട്ടകളെ കുറിച്ചുള്ള ഗവേഷണം നടക്കുന്നത്. ഭാര്യ അലക്സിയയും ഇദ്ദേഹത്തിനൊപ്പം സഹായിയായി ഉണ്ട്. ചില സാങ്കേതിക വിദഗ്ധരുടെ കൂടി സഹായത്തോടെ മൂട്ടകളെ ഉത്പാദിപ്പിക്കുകയും ഉൽപ്പന്ന പരീക്ഷണങ്ങൾ നടത്തുകയുമാണ് ഡോ. റിച്ചാർഡ് നൈലർ ചെയ്യുന്നത്.
മൂട്ടകളെ സ്വന്തമായി ഉത്പാദിപ്പിച്ച് എടുക്കാനായി ഒരു ലാബും ഇദ്ദേഹത്തിനുണ്ട്. കഴിഞ്ഞ 20 വർഷമായി ഇദ്ദേഹം ഈ കീടങ്ങളെ കുറിച്ചുള്ള പഠനത്തിലാണ്. കീട നിയന്ത്രണ കമ്പനികൾക്ക് മൂട്ടകളെ കുറിച്ച് കൂടുതൽ മനസ്സിലാക്കുന്നതിനുള്ള ഗവേഷണങ്ങളാണ് താൻ നടത്തുന്നത് എന്നാണ് ഡോ. റിച്ചാർഡ് വ്യക്തമാക്കുന്നത്. മൂട്ടകളോട് ഒപ്പം കിടന്നുകൊണ്ട് ക്യാമറ വെച്ച് നിരീക്ഷണം നടത്തി അവയുടെ സ്വഭാവവും പെരുമാറ്റവും മനസ്സിലാക്കിയാണ് ഈ ഡോക്ടറുടെ ഗവേഷണം നടക്കുന്നത്.
