ലഖ്നൗ : ആശുപത്രി കിടക്കയിൽ മരണത്തോട് മല്ലിടുമ്പോഴും ആ പിതാവിന്റെ ഏറ്റവും വലിയ ആഗ്രഹം തന്റെ മക്കളുടെ വിവാഹമായിരുന്നു. ഒടുവിൽ പിതാവിന്റെ ആഗ്രഹസഫലീകരണത്തിനായി അദ്ദേഹത്തിന്റെ രണ്ട് പെൺമക്കളുടെ വിവാഹം ആശുപത്രി ഐസിയുവിൽ വെച്ച് പിതാവിന് മുന്നിൽ നടത്തിയത് ഇപ്പോൾ സമൂഹമാദ്ധ്യമങ്ങളിൽ വൈറലാണ്.
ലഖ്നൗ സ്വദേശി മുഹമ്മദ് ഇഖ്ബാലിനെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചപ്പോൾ അദ്ദേഹത്തിന്റെ ഏറ്റവും വലിയ വിഷമം തന്നെ പെൺമക്കളുടെ വിവാഹം കാണാൻ കഴിയില്ലല്ലോ എന്നുള്ളതായിരുന്നു. താൻ മരിക്കുന്നതിനു മുൻപായി തന്നെ മക്കളുടെ വിവാഹം നടന്നു കാണണമെന്ന് ആ പിതാവ് ഏറെ ആഗ്രഹിച്ചു. ഒടുവിൽ ആ പിതാവിന്റെ ആഗ്രഹം നിറവേറ്റി കൊടുക്കാൻ ആശുപത്രി അധികൃതരും തീരുമാനമെടുക്കുകയായിരുന്നു.
എറ മെഡിക്കൽ കോളേജിലെ ഐസിയുവിലായിരുന്നു ഇപ്പോൾ സമൂഹമാദ്ധ്യമങ്ങളിൽ പ്രചരിക്കുന്ന ഈ വിവാഹം നടന്നത്. ആശുപത്രിയിലെയും ഐസിയുവിലെയും മറ്റു രോഗികൾക്ക് ബുദ്ധിമുട്ടുണ്ടാക്കാത്ത രീതിയിൽ ആശുപത്രി അധികൃതർ പ്രത്യേക സജ്ജീകരണങ്ങളും ഇതിനായി ഒരുക്കി നൽകി. ഒടുവിൽ രോഗബാധിതനായി കിടക്കുന്ന പിതാവിന്റെ മുൻപിൽ വച്ച് അദ്ദേഹത്തിന്റെ അവസാന ആഗ്രഹം സാധിച്ചു കൊടുക്കാനായി അദ്ദേഹത്തിന്റെ ഭാവി മരുമക്കളും മതപുരോഹിതരും ആശുപത്രിയിൽ എത്തി. വിവാഹ ചടങ്ങുകൾ മംഗളകരമായി തന്നെ നടന്നതോടെ ജീവിതത്തിലെ ഏറ്റവും വലിയ ആഗ്രഹം സാധിച്ചതിന്റെ സന്തോഷത്തിലാണ് മുഹമ്മദ് ഇഖ്ബാൽ.
Discussion about this post