ന്യൂഡൽഹി : രാജ്യത്ത് ഇലക്ട്രിക് വാഹനങ്ങൾക്ക് പുതിയ സുരക്ഷാ മാനദണ്ഡങ്ങൾ അവതരിപ്പിച്ച് ബ്യൂറോ ഓഫ് ഇന്ത്യൻ സ്റ്റാൻഡേർഡ്സ് (ബിഐഎസ്). ഇന്ത്യയിലെ ഉൽപ്പന്നങ്ങളുടെ ഗുണനിലവാരത്തെ ഏകോപിപ്പിക്കുന്നതിനുള്ള സംവിധാനമാണിത്. ഇന്ത്യൻ സർക്കാരിൽ കൺസ്യൂമർ അഫയേഴ്സ്, ഫുഡ് & പബ്ലിക് ഡിസ്ട്രിബ്യൂഷൻ മന്ത്രാലയത്തിന് കീഴിലാണ് ബിഐഎസ് പ്രവർത്തിക്കുന്നത്.
IS 18590: 2024, IS 18606: 2024 എന്നീ രണ്ടു സുരക്ഷാ മാനദണ്ഡങ്ങൾ ആണ് രാജ്യത്ത് പ്രവർത്തിക്കുന്ന ഇലക്ട്രോണിക് വാഹനങ്ങൾ സ്വീകരിക്കേണ്ടത് എന്ന് ബി ഐ എസ് വ്യക്തമാക്കുന്നു. ഇലക്ട്രോണിക് വാഹനങ്ങളുടെ പവർട്രെയിൻ കർശനമായ സുരക്ഷാ ഘടകങ്ങൾ പാലിക്കുന്നുണ്ടെന്ന് ഉറപ്പാക്കുകയും അവയുടെ സുരക്ഷ വർദ്ധിപ്പിക്കാൻ ലക്ഷ്യമിടുകയും ചെയ്യുന്നതാണ് ബിഎസ് അവതരിപ്പിച്ചിട്ടുള്ള പുതിയ ഫീച്ചറുകൾ. എൽ, എം, എൻ വിഭാഗങ്ങളിലുള്ള ഇലക്ട്രിക് വാഹനങ്ങൾക്ക് ഈ പുതിയ സുരക്ഷാ മാനദണ്ഡങ്ങൾ ബാധകമാണ്.
ഡ്രൈവർമാർക്കും യാത്രക്കാർക്കും ആവശ്യമായ സുരക്ഷ ഇലക്ട്രിക് വാഹനങ്ങളിൽ ഉറപ്പാക്കുകയാണ് ബി ഐ എസ് ലക്ഷ്യമിടുന്നത്. വിശ്വസനീയമായ ബാറ്ററി മുതലുള്ള വിവിധ സുരക്ഷാ ഫീച്ചറുകൾ ഇതിൽ ഉൾപ്പെടുന്നു. ഈ പുതിയ സുരക്ഷാ സംവിധാനങ്ങൾ അവതരിപ്പിക്കുന്നതോടെ, ചാർജിംഗ് ഉൾപ്പെടെ ഇലക്ട്രിക് വാഹനങ്ങൾക്കും അവയുടെ ഉപകരണങ്ങൾക്കും സുരക്ഷ ശക്തമാക്കാൻ കഴിയും എന്ന് ബി ഐ എസ് പ്രതീക്ഷിക്കുന്നു.
Discussion about this post