എറണാകുളം:നിങ്ങളുടെ റേഷൻ കാർഡിന്റെ നിറമേതാണ്? തെറ്റായ വിവരങ്ങൾ നൽകി അനധികൃതമായി മുൻഗണനാ റേഷൻ കാർഡ് കൈവശം വച്ചിട്ടുണ്ടോ.ഇവർക്കെതിരെ വമ്പൻ പണിയുമായി മുന്നോട്ട് പോവുകയാണ് സിവിൽ സപ്ലൈസ് വകുപ്പ് . മൂന്ന് വർഷത്തിനിടെ പിഴ ഇനത്തിൽ ഈടാക്കിയത് 1, 05,74063 രൂപയാണ്.
വിവിധ താലൂക്കുകളിൽ നിന്ന് ഇത്തരം 3230 കാർഡുകളാണ് പൊതുവിഭാഗത്തിലേക്ക് മാറ്റിയത്. പരിശോധനയിൽ റേഷൻ വാങ്ങാത്തവരിലും മുൻഗണനാ റേഷൻ കാർഡ് കൈവശം വച്ചിരിക്കുന്നവരിൽ നിന്നുമാണ്് പിഴ ഈടാക്കിയത്.
നടപടികൾ ആർക്കെതിരെയാണ് എടുക്കുക
*ആയിരം ചതുരശ്ര അടിയിൽ കൂടുതൽ വിസ്തൃതിയുള്ള വീടുള്ളവർ
*നാലു ചക്രവാഹനം സ്വന്തമായുള്ളവർ
*25,000 രൂപയിലധികം വരുമാനമുള്ളവർ
*വിദേശത്ത് ജോലിയുള്ളവർ
*സർക്കാർ അർദ്ധ സർക്കാർ , പൊതു മേഖലാ സ്ഥാപനങ്ങളിൽ ജോലിയുള്ളവർ.
