ന്യൂഡൽഹി :ബ്രിട്ടനിലെ പുതിയ പ്രധാനമന്ത്രി കെയർ സ്റ്റാർമറിന് അഭിനന്ദനം അറിയിച്ച് പ്രധാനമന്ത്രി നരേന്ദ്രമോദി. കെയർ സ്റ്റാർമറുമായി പ്രധാനമന്ത്രി സംസാരിച്ചു. ബ്രിട്ടന്റെ പുതിയ പ്രധാനമന്ത്രിയെ ഇന്ത്യയിലേക്ക് ക്ഷണിക്കുകയും ചെയ്തു.
ബ്രിട്ടനിൽ നടന്ന പൊതുതിരഞ്ഞെടുപ്പിൽ വിജയിച്ച കെയർ സ്റ്റാർമറിന് ഹൃദയം നിറഞ്ഞ അഭിനന്ദനങ്ങൾ. എല്ലാ മേഖലയിലുമുള്ള തന്ത്രപ്രധാനമായ പങ്കാളിത്തം ശക്തിപ്പെടുത്താൻ ഇരു രാജ്യങ്ങൾക്കും ഒന്നിച്ച് പ്രവർത്തിക്കാൻ കഴിയുമെന്നാണ് പ്രതീക്ഷിക്കുന്നത്. ഇത് ഇരു രാജ്യങ്ങളുടെയും അഭിവൃദ്ധിയ്ക്കും വളർച്ചയ്ക്കും കാരണം ആകുമെന്നും പ്രധാനമന്ത്രി പറഞ്ഞു.
ലേബർപാർട്ടി നേതാവാണ് കെയർ സ്റ്റാർമർ. കൺസർവേറ്റീവ് പാർട്ടി നേതാവും പ്രധാനമന്ത്രിയും ആയിരുന്ന ഋഷി സുനക് പരാജയം സമ്മതിച്ചതോടെയാണ് സ്റ്റാർമർ അധികാരം സ്വന്തമാക്കിയത്. നീണ്ട 14 വർഷത്തിന് ശേഷമാണ് ലേബർ പാർട്ടി നേതാവ് അധികാരത്തിൽ വരുന്നത്.
Discussion about this post