പാലക്കാട്: വഖഫ് ബോർഡുമായുള്ള വിവാദത്തിൽ രൂക്ഷ വിമർശനവുമായി ബി ഡി ജെ എസ് നേതാവ് തുഷാർ വെള്ളാപ്പളിയി. ഹിന്ദുക്കളുടെ സാംസ്കാരിക ഭൂമിയായ കൽപ്പാത്തിയിൽ ഉൾപ്പടെ വഖ്ഫ് ബോർഡ് വേണ്ടി വന്നാൽ അവകാശവാദം ഉന്നയിച്ചേക്കാമെന്ന് അദ്ദേഹം പറഞ്ഞു . വഖ്ഫ് ബോർഡിനെ നിസാരമായി കാണാൻ സാധിക്കില്ലെന്നും, വഖ്ഫ് ഏതെങ്കിലും ഭൂമിയിൽ നോട്ടീസ് നൽകിയാൽ ആളുകൾക്ക് കയറാൻ പറ്റില്ലാത്ത അവസ്ഥയാണെന്നും അദ്ദേഹം ചൂണ്ടിക്കാട്ടി.
ഇത് കൂടാതെ മുനമ്പത്തെ പ്രശ്നം സാധാരണക്കാർ ഉൾപ്പടെ അനുഭവിച്ചുകൊണ്ടിരിക്കുകയാണ്. ഉപതെരഞ്ഞെടുപ്പിൽ വിഷയം ചർച്ചയാകുമെന്നും ഫലത്തെ സ്വാധീനിക്കുമെന്നും അദ്ദേഹം പറഞ്ഞു. എല്ലാ വിഭാഗത്തിലുള്ള ജനങ്ങളും ഭയപ്പെടുന്ന വിഷയമാണിതെന്നും അദ്ദേഹം കൂട്ടിച്ചേർത്തു.
Discussion about this post